Алматы облысы бойынша тексеру комиссиясы

Қазақстан Республикасы Ішкі істер министрлігі Алматы облысының Полиция департаментінде жергілікті бюджетті жоспарлау және орындау, жергілікті бюджет қаражатын және мемлекет активтерін пайдалану тиімділігінің мемлекеттік аудиті

АУДИТОРЛЫҚ ҚОРЫТЫНДЫ

Талдықорған қаласы 2022 ЖЫЛ

Алматы облысы бойынша тексеру комиссиясының төрағасы

М. Мұсаевқа

АУДИТОРЛЫҚ ҚОРЫТЫНДЫ

1. Кіріспе бөлік

   1. Аудиторлық іс-шараның атауы: Жергілікті бюджетті жоспарлау және орындау, жергілікті бюджет қаражатын және мемлекет активтерін пайдалану тиімділігінің мемлекеттік аудиті.

   2. Мемлекеттік аудиттің мақсаты: Жергілікті бюджетті жоспарлау және орындау, жергілікті бюджет қаражатын және мемлекет активтерін пайдалану тиімділігіне мемлекеттік аудит жүргізу.

1.3.Мемлекеттік аудиттің объектісі:

«Қазақстан Республикасы Ішкі істер министрлігі Алматы облысының Полиция департаменті» мемлекеттік мекемесі.

1. Мемлекеттік   аудитпен  қамтылған  кезең:   2019  жылдың  1 қаңтарынан бастап, 2020 жылдың 31 желтоқсаны аралығы.

II.Негізгі (талдамалық) бөлік.

1. Аудиттелетін саланың жай-күйін қысқаша талдау:

Алматы облысының полиция департаменті облыс аумағындағы ішкі істер органдары мен бөлімшелеріне басшылықты жүзеге асыратын ҚР Ішкі істер министрлігінің аумақтық бөлімшесі болып табылады.

Департамент өз қызметін Қазақстан Республикасы Ішкі істер министрінің 2018 жылғы 1 қазандағы №662 бұйрығымен бекітілген Ережеге сәйкес жүзеге асырады.

Департаменттің міндеттері:

1. құқық бұзышылықтар профилактикасы;

2. қоғамдық тәртіпті сақтау және жол қауіпсіздігін қамтамасыз ету;

3. қылмысқа қарсы күрес;

4. әкімшілік жазаны орындау;

5. Департаментке Қазақстан Республикасының заңдарымен және Қазақстан Республикасы Президентінің актілермен жүктелген өзге де міндеттер.

Алматы   облысы   полиция   департаментінің   құрылымына  мыналар кіреді:

• Талдықорған қаласының полиция басқармасы;

• 4 аудандық полиция басқармасы (Еңбекшіқазақ, Іле, Қарасай және Талғар);

• 2 қалалық полиция бөлімі (Қапшағай, Текелі);

-13 аудандық полиция бөлімдері (Ақсу, Алакөл, Балқаш, Ескелді, Жамбыл, Қаратал, Кербұлақ, Кеген, Көксу, Панфилов, Райымбек, Сарқан, Ұйғыр);

• 1 бөлім полиция бөлімі құқығында (Шелек) және 3 полиция бөлімшесі (Батыс, Шығыс және Қорғас).

Департамент полиция штаттық саны - 4181 бірлікті құрайды, оның ішінде аттестатталған құрам - 3958 бірлік (оның ішінде басшы құрам - 3412, қатардағы құрам - 546), еркін жалданбалы құрам – 223 бірлік.

2021 жылғы 1 қаңтардағы жағдай бойынша Бос орындар саны 269 бірлік, оның ішінде Алматы қаласының маңында орналасқан Еңбекшіқазақ ауданында - 41, Талғар ауданында – 22, Жамбыл облысында – 20, Іле ауданында – 20.

Есепті кезең ішінде (2019-2020 жж.) Алматы облысының Ішкі істер органдары полиция қызметкерлерінің алдына қойылған негізгі міндеттерге сәйкес құқық бұзушылықтардың алдын алуға және қылмысқа қарсы күреске бағытталған шаралар қабылдады.

2019 жылмен салыстырғанда 2020 жылдың қорытындылары жалпы облыстағы криминогендік жағдай тұрақталды деген қорытынды жасауға мүмкіндік береді.

2020 жылы 10 мың тұрғынға шаққанда қылмыс деңгейі 2019 жылмен салыстырғанда 70% - ды (110%) құрады.

Жалпы қылмыс 36,3% - ға (22652-ден 14 426-ға дейін) төмендеуі жедел жағдайдың тұрақтылығын куәландырады.

Қылмыстың ең көп саны облыстың "оңтүстік өңірі" аудандарында жасалады. Қылмыстарды үлкен тіркеудің себептері тұрғын халықтың жоғары тығыздығына және көші-қон ағымының жоғары болуына байланысты.

Тіркелетін қылмыстардың 61,3% (8847) Алматы қаласына жақын орналасқан аудандарға (Қарасай, Іле, Талғар, Еңбекшіқазақ, Жамбыл аудандары және Қапшағай қаласы) тиесілі.

Көшелерде және басқа да қоғамдық орындарда қоғамдық тәртіпті сақтау, азаматтардың қоғамдық қауіпсіздігін қамтамасыз ету бойынша шаралар қабылдау мақсатында облыс аумағында көшелер мен қоғамдық орындарда, абаттандырылған көп қабатты үйлердің аулаларында, азаматтардың болу орындарында құқықтық тәртіпке арналған 1268 бейнебақылау камералары тұрақты негізде жұмыс істейді. Орнатылған сандық бейнекамералар ақпаратты нақты уақыт режимінде ПББАҚ кезекші бөлімдеріне жібереді.

Сыртқы бейнебақылау камераларының көмегімен 2020 жылы 261 қылмыс ашылып, 32568 әкімшілік құқық бұзушылық 2019 жылмен салыстырғанда 22,6% - ға жоғары анықталды.

Сыртқы бейнебақылау желісін кеңейту мақсатында 2020 жылы Қарасай, Панфилов аудандарында және Текелі қаласында орнату үшін сыртқы бейнебақылау жүйелерінің 250 жабдығы сатып алынды.

2020 жылы қылмыс деңгейін төмендетуге бағытталған жедел- профилактикалық іс-шаралар өткізілді, онда 2019 жылмен салыстырғанда

471 379 әкімшілік құқық бұзушылық анықталды. 332 924 адамға жалпы сомасы – 3 552 361,7 мың теңге айыппұл салынды, оның 2 306 253,6 мың теңгесі өндірілді.

Оның ішінде автоматтық тіркеу жүйесімен ("Автосураган", "Интегра", "КРИС-П") жол қозғалысы ережелерін бұзудың 2019 жылғы деңгейден 88,7%

- ға жоғары 172 093 фактісі анықталды, олар бойынша салынған айыппұлдардың жалпы сомасы 1 396 205,3 мың теңгені құрады, оның ішінде 1 052 470,4 мың теңгесі өндірілді.

Саланың жай-күйін талдау халық тығыздығы мен көші-қон ағымына байланысты Алматы қаласының маңында орналасқан "оңтүстік өңір" аудандарының аумағында қылмыстардың өскенін көрсетті.

Алматы қаласына жақын орналасқан аудандардың, атап айтқанда Қапшағай қаласының (8), Еңбекшіқазақ ауданының (8), Жамбыл ауданының (8), Іле ауданының (15), Талғар ауданының (15) орнатылған бейнебақылау камераларының саны жеткіліксіз және Полиция қызметкерлерінің штат санының жеткіліксіз.

2.2.Мемлекеттік аудиттің негізгі нәтижелері:

Жергілікті бюджетті жоспарлау және орындау, жергілікті бюджет қаражатын және мемлекет активтерін пайдалану тиімділігінің аудитімен бір мемлекеттік мекеме - «Қазақстан Республикасы Ішкі істер министрлігі Алматы облысының Полиция департаменті» ММ қамтылды.

Аудиторлық іс-шарамен қамтылған бюджет қаражатының жалпы көлемі 17 677 638,0 мың теңгені құрады.

Аудиторлық іс-шараның қорытындысы бойынша анықталған бұзушылықтардың жалпы сомасы 614 694,1 мың теңгені құрады, оның ішінде: қаржылық бұзушылықтар – 235 437,9 мың теңге (қалпына келтіруге жататыны), тиімсіз жоспарланған қаражат сомасы – 354 980,0 мың теңге, тиімсіз пайдаланылған қаражат сомасы – 24 276,2 мың теңге.

Сонымен қатар, мемлекеттік аудит барысында рәсімдерді орындау тәртібінің 7 бірлік бұзышылуғы анықталды.

Мемлекеттік аудит жүргізу барысында және комиссия отырысы өткізілгенге дейін қалпына келтірілуі тиіс қаржылық бұзушылықтардың жалпы сомасы 235 437,9 мың теңге толық көлемде қалпына келтірілді.

Жүргізілген мемлекеттік аудитпен мемлекеттік аудит объектісі тарапынан келесідей бұзушылықтар анықталды:

1. Аудит жүргізу барысында мекеме балансында 2014 жылы әзірленген жобалық сметалық құжаттама іске асырылмағаны анықталды, бұл өз кезегінде «Мемлекеттік мүлік туралы» Қазақстан Республикасының 2011 жылғы 1 наурыздағы № 413-IV Заңының 6-бабының 4) тармақшасында көзделген мемлекеттік мүлікті тиімді пайдалану қағидатын бұзу болып табылады және соның салдарынан жобаларды дайындауға пайдаланылған, жалпы сомасы 19 436,0 мың теңге бюджет қаражаты түрінде экономикалық шығындарға әкеп соқты.

Осылайша, жобалау-сметалық құжаттаманы әзірлеуге және іске асыруға бөлінген бюджет қаражатын жоспарлау және пайдалану нәтижелері мекемедегі қаржылық және атқарушылық тәртіптің жеткіліксіз деңгейін көрсетті, бұл өз кезегінде бюджет қаражатын жұмсай отырып белгіленген

мақсаттарға қол жеткізілмей, олардан күтілетін әлеуметтік-экономикалық әсер болмаған.

1. Алматы облысының әлеуметтік-экономикалық даму бағдарламасы аясында Алматы облысы Ішкі істер департаментінің бастамасымен ауылдық кенттік округтерді дамыту жөніндегі облыстық іс - шаралар жоспарына сәйкес 2014 жылы учаскелік полиция инспекторлары үшін қызметтік тұрғын үймен біріктірілген 220 учаскелік полиция пунктін салу туралы шешім қабылданған.

Аудит объектісі ұсынған ақпаратқа сәйкес, бүгінгі күні өңірде 182 УПП салынды, оның ішінде 79 объекті мекеменің теңгеріміне қабылданды, 103 объекті теңгерімге берілмеді, оның ішінде: мүлікті беру туралы шешім қабылдау үшін қажетті құжаттардың болмауына байланысты 33 объекті, қалған 70 объекті беруші Тараптың (облыстың құрылыс басқармасы, аудандық құрылыс бөлімдері) қабылдау-тапсыру актілерін ұсынбауымен байланысты, қаулыдағы УПП алаңының құқық белгілейтін құжаттармен алшақтығымен және аудит объектісінің көзбен шолып қарау барысында құрылыстың сапасыз элементтерінің анықтаумен байланысты орын алған.

Мекеме балансқа қабылдамаған объектілер бойынша коммуналдық қызметтермен шарт жасасуға мүмкіндігі болмағандықтан, тұтынылған электрмен жабдықтау, сумен жабдықтау және су бұру бойынша тұтынылған қызметтердің көлемі бойынша шығындар мекемемен өтелмейді.

Осылайша, Қазақстан Республикасының 2008 жылғы 4 желтоқсандағы

№95-IV Бюджет Кодексінің 67-бабының 12, 12-1-тармақтарын, Қазақстан Республикасының Қаржы министірінің 2014 жылғы 24 қарашадағы № 511 бұйрығымен бекітілген, Бюджеттік өтінімді жасау және ұсыну қағидаларының 8, 38-тармақтарын бұза отырып, мекеме 2019-2020 жылдарға арналған коммуналдық қызметтерді төлеуге арналған шығындарды жоспарлау кезінде ұсынылған бюджеттік өтінімдегі ақпараттар мен есептердің дұрыстығын қамтамасыз етпеген, нәтижесінде артық жоспарланған және жалпы сомасы 9 422,0 мың теңге бюджет қаражаты бөлінген.

Сонымен қатар, көзбен шолып қарау кезінде учаскелік инспекторлардың нақты тұрмайтындығын куәландыратын фактілер анықталды және учаскелік инспекторлардың тұруына арналған үй-жайдың тұрғын бөлігі қараусыз қалған күйде.

Салынған (жаңадан құрылған) бірқатар УПП-ның қоныстанбауына (пайдаланылмауына) байланысты үсік қату және ылғалдану орын алған, осыған байланысты ғимараттардың бүлінуі және физикалық тозуы байқалады.

Жоғарыда айтылғандарға байланысты, жүзеге асырылатын жоба бюджет қаражатын игеру бөлігінде ғана іске асырылады, түпкілікті көрсеткіштерге қол жеткізуге мониторинг пен талдау толық көлемде іске асырылмайды.

1. «Қазақстан Республикасының Ішкі істер органдары туралы» 2014 жылғы 23 сәуірдегі № 199 V - ЗРК Заңының 22-бабының 1-тармағына сәйкес,

2019 жылы 252001011 бюджеттік бағдарламасы бойынша ішкі істер органдарының қызметкерлеріне тұрғын үйді жалдау (жалға алу) үшін өтемақы төлеу үшін 332 «Жеке тұлғаларға трансферттер» ерекшелігі бойынша республикалық бюджеттен берілетін трансферттер есебінен бюджет жобасына қандай да бір түсімдерді немесе шығыстарды енгізу қажеттілігін және олардың көлемдерінің негізділігін айқындайтын шығыстар көлемдерін негіздемей, 274 542,0 мың теңге бөлінген.

Қазақстан Республикасының 2008 жылғы 4 желтоқсандағы №95-IV Бюджет кодексінің 4-бабының 6), 9), 12) тармақшаларын, 67-бабының 12-

тармағын, Қазақстан Республикасының Қаржы министірінің 2014 жылғы 24 қарашадағы № 511 бұйрығымен бекітілген, Бюджеттік өтінімді жасау және ұсыну қағидаларының 51, 52-тармақтарын бұза отырып, Ішкі істер органдарының қызметкерлері үшін тұрғын үйді жалдау (жалға алу) үшін өтемақы төлеуге шығыстар көлемінің анықтығы мен негізділігін қамтамасыз етпеу себебінен мекеме республикалық бюджеттен берілетін трансферттер есебінен тиімсіз жоспарлауға жол берілген.

Бұл бұзушылық мекеменің бюджеттік өтінімдерді, бюджеттік бағдарламаларды және олар бойынша есептілікті жасау үшін бастапқы ақпаратты ұсынуға жауапты лауазымды тұлғаларының бюджет заңнамасының талаптарын сақтамауынан туындаған.

1. Қазақстан Республикасының 2008 жылғы 4 желтоқсандағы №95-IV Бюджет кодексінің 67-бабының 12-тармағын, Қазақстан Республикасының Қаржы министірінің 2014 жылғы 24 қарашадағы № 511 бұйрығымен бекітілген, Бюджеттік өтінімді жасау және ұсыну қағидаларының 50 тармағы бұзылып, барлығы 82 407,0 мың теңгеге жобалық-сметалық құжаттаманы әзірлеуге арналған бюджеттік өтінімде қамтылған ақпарат пен есептердің дұрыстығы қамтамасыз етілмеген.

Осылайша, қажетті құжаттардың болмауы және дұрыс ұйымдастырылмауы тиімсіз жоспарлауына және ҚР Бюджет кодексінің негізділік қағидатының бұзылуына әкелді.

Айта кету керек, жоғарыда аталған қаражат ұзақ уақыттан кейін бюджетке қайтарылды, оның барысында олар мекеменің шотында іс жүзінде пайдаланылмай қалды, нәтижесінде бұл қаражат бюджеттік процеске қатыспады.

1. 001 «Облыс аумағында қоғамдық тәртіп пен қауіпсіздікті сақтауды қамтамасыз ету саласындағы мемлекеттік саясатты іске асыру жөніндегі қызметтер» бюджеттік бағдарламасы шеңберінде жергілікті бюджет қаражаты есебінен 152 «Байланыс қызметтеріне ақы төлеу» ерекшелігі бойынша мекеме Алматы облысының ПД УПП үшін IP VPN қызметін қосуға 10 037,4 мың теңге сомаға 2020 жылғы 19 қарашадағы № 336 шарт жасалған.

Жоғарыда көрсетілген шартқа техникалық ерекшеліктің № 2-1 қосымшасына сәйкес облыстық IP VPN (жерүсті қосылу) портын қосу және ұсыну қамтамасыз етілетін 96 УПП санындағы тізбе көрсетілген.

Алайда, көзбен шолып қарау кезінде іріктеп, Көксу ауданында Көксу ауылы, Мәмбет көшесі,14 және Көксу станциясы, Орақты батыр көшесі, 9

мекенжайы бойынша орналасқан №9 УПП-да локальдық желіге (IP VPN) қосылу актілеріне сәйкес өнім беруші локальдық желіге (IP VPN) қосылу және көрсетілетін қызметтер тізбесіне енгізілмеген УПП үшін жабдықтарды орнату бойынша қызметтер көрсеткені анықталды.

Қазақстан    Республикасының     2015     жылғы     4     желтоқсандағы

«Мемлекеттік сатып алу туралы» №434-V Заңның 21-бабы 2-тармағының 2) тармақшасын, техникалық ерекшелік (№2 қосымша) және сатып алынатын қызметтерді көрсету талаптары Шарттың ажырамас бөлігі болып саналатын 2020 жылғы 19 қарашадағы №336 Шарттың 1.2-тармағының 2), 3) тармақшаларын бұзылған, яғни қосу актісі нақты мекенжайды қосу орны бөлігіндегі техникалық ерекшелікке сәйкес келмейді.

Бұдан басқа, жоғарыда көрсетілген шартқа техникалық ерекшелікті көрсетілген қызметтер актілерімен салыстыру кезінде нақты қызметтер көрсету шартқа басқа аудандарда да техникалық ерекшелікке сәйкес келмейтін сәйкессіздіктер анықталды.

Сондай-ақ, көзбен шолып қарау арқылы №2 УПП Қаратал ауданында жергілікті желіге (IP VPN) қосылу фактілері анықталды, алайда техникалық ескірген жабдыққа байланысты жұмыс істемейді және Ақсу ауданында № 5 УПП жергілікті желі (IP VPN) бойынша қосылу жұмыс істемейді.

Қорытындылай келе, жоғарыда аталған қызметтерді іске асыру тек ресми сипатта болатындығын атап өтуге болады, өйткені олардың мазмұнына Шартта көзделген талаптар сақталмайды.

1. 001 «Облыс аумағында қоғамдық тәртіп пен қауіпсіздікті сақтауды қамтамасыз ету саласындағы мемлекеттік саясатты іске асыру жөніндегі қызметтер» бюджеттік бағдарламасы шеңберінде 416 «Материалдық емес активті сатып алу» ерекшелігі бойынша 2019 жылғы 22 мамырдағы №264 тауарларды мемлекеттік сатып алу туралы «Steelcount» ЖШС-мен жалпы сомасы 16 417,8 мың теңгеге "мүлікті түгендеу" бағдарламалық қамтамасыз етуді сатып алуға шарт жасалды.

«Мүлікті    түгендеу»     бағдарламалық     жасақтамасының     құрамына

«Ноутбук», «Принтер» және «Сканер» кіреді.

Алматы облысы ПД бастығының орынбасары полиция подполковнигі А.И. Балтағұловтың 2019 жылғы 5 қазандағы бекіткен бұйрығына және негізгі құралдарды қабылдау-беру актілеріне сәйкес осы бағдарламалық қамтамасыз ету аудандық және қалалық полиция бөлімдеріне жалпы сомасы 14 854,2 мың теңге көлемінде 19 жиынтық көлемінде берілді.

Аудит барысында аудандық және қалалық полиция бөлімдеріне берілген

«Мүлікті түгендеу» бағдарламалық қамтамасыз ету алынған сәттен бастап пайдаланылмайтыны анықталды.

Осылайша, ҚР Бюджет кодексінің 4-бабының 12-тармағының талаптары сақталмауынан, аудандық және қалалық полиция бөлімдеріне берілген жалпы сомасы 14 854,2 мың теңгеге «Мүлікті түгендеу» бағдарламалық қамтамасыз ету тиімсіз пайдалануына алып келді.

1. Мекеменің 01.01.2020 - 01.01.2021 ж.ж. бухгалтерлік есептің деректері бойынша негізгі құралдардың тиісті шоттары мен қосалқы шоттарына

алынбағаны анықталды. Атап айтқанда, бухгалтерлік есептің 2322 «Тұрғын үй ғимараттары» шотына Балқаш ауданында орналасқан   жалпы   құны 163 732,0 мың теңгені құрайтын учаскелік полиция пункттері алынған, сонымен қатар, тұрғын үй ғимараттарының құнына жиһаз бен жабдықтардың құны қосылған, оның ішінде сомасы 6 176,4 мың теңгеге 2360 «Машиналар мен жабдықтар», сомасы 3 247,4 мың теңгеге 2370 «Аспаптар, өндірістік және шаруашылық мүкәммалы» шоттарында есептелуге тиіс.

Бұл өз кезегінде, Қазақстан Республикасының «Бухгалтерлік есеп және қаржылық есептілік туралы» 2007 жылғы 28 ақпандағы № 234 Заңының 4- бабының, Қазақстан Республикасы Қаржы министірінің 2010 жылғы 3 тамыздағы № 393 бұйрығымен бекітілген, Мемлекеттік мекемелерде бухгалтерлік есепке алуды жүргізу қағидаларының 4 және 243 тармақтарының, Қазақстан Республикасы Қаржы министрінің 2010 жылғы 15 маусымдағы «Мемлекеттік мекемелердің бухгалтерлік есепке алу шоттарын бекіту туралы» №281 бұйрығының 16 тармағының талаптарының бұзылу салдарынан мекемеде негізгі құралдардың тиісті шоттарда және бухгалтерлік есептің қосалқы шоттарында есептелмеуіне алып келген.

Сонымен қатар, Қазақстан Республикасы Қаржы министрінің 2017 жылғы 1 тамыздағы №468 бұйрығымен бекітілген Қаржылық есептілік нысандарын және оларды жасау мен ұсыну қағидаларының 7-қосымшасының 3, 16-тармақтарының талаптары басшылыққа алынбай, жоғарыда көрсетілген негізгі құралдар мен материалдардың баланстық құны қаржылық қызмет нәтижелері туралы есептің 114-жолы бойынша бухгалтерлік баланста жинақталған амортизация сомасы дұрыс көрсетілмеген және бұрмаланған қаржылық есептілікті жасауға әкелді.

Аудит барысында негізгі құралдарға жалпы сомасы 2 843,2 мың теңге

тозу қоса есептелді.

1. 01.01.2021 ж.жағдай бойынша Қазақстан Республикасы Қаржы министірінің 2010 жылғы 3 тамыздағы №393 бұйрығымен бекітілген, Мемлекеттік мекемелерде бухгалтерлік есепке алуды жүргізу қағидаларының 3-тармағының 43) тармақшасын және № 281 Шоттар жоспарының 21- тармағының бұзылу салдарынан мекеменің бухгалтерлік есебінде жалпы құны 62 182,9 мың теңге болатын ЖСҚ әзірлеуге, сараптауға және бекітуге арналған шығындар есепке алынған, ал ЖСҚ түскен кезде құрылыс әлі басталмауына байланысты олардың құнын 2810 «Өзге ұзақ мерзімді активтер» шотында ескеру қажет, өйткені «Аяқталмаған құрылыс» 2411 шотында ЖСҚ жеке жүргізілмейді.

2. Қазақстан Республикасы Қаржы министірінің 2010 жылғы 3 тамыздағы №393 бұйрығымен бекітілген, Мемлекеттік мекемелерде бухгалтерлік есепке алуды жүргізу қағидаларының 478-тармағының және №

281 Шоттар жоспарының 53-тармағының талаптары орындалмай, қатаң есептілік бланкілер және әкімшілік жаза қолдану туралы қаулылар Мекеменің 1319 "өзге де материалдар" шотында есепке алғаны анықталды, бұл ретте 03 "қатаң есептілік бланкілері"баланстан тыс шотында алыну керек.

2.3.Мемлекеттік аудит объектілері қызметінің әлеуметтік- экономикалық дамуға әсерін бағалау (өңірлік және (немесе) елдік бөліністе):

Алматы облысын дамытудың 2016 - 2020 жылдарға арналған бағдарламасы облыстық мәслихаттың 2015 жылғы 14 желтоқсандағы № 51-288 шешімімен (облыстық мәслихаттың 2020 жылғы 21 қаңтардағы №62-328 шешімімен енгізілген өзгерістермен) қабылданды.

Даму бағдарламасының басымдықтары:

• көшелерде және басқа да қоғамдық орындарда қоғамдық тәртіпті сақтау, азаматтардың қоғамдық қауіпсіздігін қамтамасыз ету бойынша шаралар қабылдау;

• қарақшылық шабуылдар мен тонауларды төмендету, жолын кесу және ашу бойынша жұмысты күшейту ; ;

• бөтеннің мүлкін ұрлауды ашу бойынша жұмысты күшейту;

• қоғамдық орындар мен көшелерде жасалған қылмыстардың санын азайту және құқық бұзушылықтардың алдын алу бойынша жұмысты күшейту.

Жету жолдары:

• облыстың қалалары мен аудандарында Бейнебақылау жүйелерін кеңінен енгізу;

• сыртқы бейнебақылау желісін кеңейту;

• қылмыстың жай-күйін талдауға сәйкес полицияның кешенді күштерін пайдалану үшін жаңа бағыттар құру;

• көшелерде жасалатын қылмыстардың деңгейін және жол-көлік оқиғаларының санын азайтуға бағытталған жедел-алдын алу іс-шараларын өткізу ("Құқықтық тәртіп", "Қауіпсіз қала", "Қауіпсіз жол", "жаяу жүргінші" және т. б.).

Бағдарламада «Қоғамдық қауіпсіздік пен құқықтық тәртіпті қамтамасыз ету» мақсаты көзделген.

«Қоғамдық қауіпсіздікті және құқықтық тәртіпті қамтамасыз ету» мақсатына қол жеткізу үшін 3 нысаналы индикатор жоспарланған.

Жоспарланған 3 нысаналы индикатордан 2 индикаторға қол жеткізілді, 1 индикаторға қол жеткізілген жоқ:

• «Көшелерде жасалған қылмыстардың үлес салмағы» мақсатты индикаторына қол жеткізілген жоқ, жоспар бойынша 12,3%, 13,7 құрады.

Көшелерде жасалған қылмыстар саны өткен жылмен салыстырғанда 34% - ға (2996-дан 1976-ға дейін) азайды. Бұл ретте, карантиндік іс- шаралардың енгізілуіне байланысты қылмыстардың жалпы санының пайызы да төмендеп, 2019 жылғы деңгейге қарағанда 36,3% - ды құрады (2019ж.- 22652; 2020ж.-14426).

Құқық бұзушылықтың алдын алу мақсатында аудандар мен қалалардың қоғамдық орындарында полиция департаментінің пультіне шығарылған бейнебақылау камераларын орнату жалғасуда (1268, оның ішінде Талдықорған қаласы-871). Тағы 250 камера (627,6 млн.теңге) орнатылуда: Текелі қаласында – 50, Қарасай ауданында - 150, Панфилов ауданында – 50.

• «10 000 тұрғынға шаққандағы қылмыс деңгейі» нысаналы индикаторына қол жеткізілді және 70% - ды құрады (нысаналы мәні 133%).

Бұл көрсеткішке қылмыстардың алдын алуға, қоғамдық тәртіпті қамтамасыз етуге (жедел-профилактикалық іс-шаралар жүргізу), сондай-ақ тіркелген қылмыстардың жалпы санын 36,3% - ға (22652-ден 14426-ға дейін) төмендетуге бағытталған қабылданған шаралар нәтижесінде қол жеткізілді.

• «Облыстың су тасқыны мен су тасқынына, селдерге, көшкіндерге, жер сілкіністеріне, өрттерге қарсы іс-қимыл инфрақұрылымымен қамтамасыз етілу деңгейі» нысаналы индикаторы жыл қорытындысы бойынша жоспарға 64,4% немесе 100% - ды құрады.

Нысаналы индикаторға қол жеткізу мақсатында су тасқыны қаупі бар өзендердің арналарын жөндеу, күшейту, түбін тереңдету және кеңейту бойынша 3 іс-шара өткізілді, оған жергілікті бюджет қаражатынан 586,5 млн.теңге бөлінді, 287,3 млн. теңге сомасына өрт сөндіру бекеттерін құру бойынша 20 іс-шара және 512 млн. теңге сомасына Қарабұлақ кентінде ОАА сейсмикалық күшейтумен күрделі жөндеу бойынша 1 іс-шара.

III.Қорытынды бөлік.

3.1.1.     Мемлекеттік аудит барысында қабылданған шаралар:

Анықталған бұзушылықтарды талдау жүйелі сипаттағы жиі жол берілетін бұзушылықтардың бірі Қазақстан Республикасының бюджет және өзге де заңнамасының талаптарын сақтамау болып табылатынын көрсетті, бұл өз кезегінде бюджет қаражатын тиімсіз жоспарлауға және пайдалануға алып келді.

Сондай-ақ, жүргізілген мемлекеттік аудит лауазымды тұлғалардың бухгалтерлік есепті жүргізу және қаржылық есептілікті жасау кезінде Қазақстан Республикасының қолданыстағы заңнамасының нормаларын сақтауының жеткіліксіз деңгейін көрсетті.

Қорытындылай келе, жоғарыда аталған бұзушылықтарға нормативтік- құқықтық фактілердің талаптарын сақтамау, жауапты лауазымды тұлғалар тарапынан тиісті және тұрақты бақылаудың болмауы, жобаларды тиімсіз

басқару, сондай-ақ кадрлардың тұрақтамауы салдарынан жол берілгенін атап өткен жөн.

Аудит барысында бухгалтерлік есепте 235 437,9 мың теңге сомасында түзету жазбаларын жүргізу жолымен сәйкестікке келтірілді.

Мемлекеттік аудит барысында және тексеру комиссиясының отырысы өткізілуге дейін анықталған бұзушылықтар бойынша мемлекеттік аудит объектісінің лауазымды тұлғаның әкімшілік жауапкершілігін қарастыру мақсатында Қазақстан Республикасы Қаржы министірлігі Ішкі мемлекеттік аудит комитетінің Алматы облысы бойынша ішкі мемлекеттік аудит департаментіне 1 материал жолданды, Қазақстан Республикасының

«Әкімшілік құқық бұзушылық туралы Кодексінің» 238 бабының 1 тармағы 2 тармақшасына сәйкес әкімшілік құқық бұзушылық жасағаны үшін 50 айлық есептік көрсеткіш мөлшерінде қаржылық қамтамасыз ету басқармасының бастығы Альменова А. 20.01.2022 жылғы №4 хаттамаға негізінде әкімшілік жауапкершілікке тартылды.

3.2.Мемлекеттік аудит нәтижелері бойынша тұжырымдар.

1. Мемлекеттік аудит нәтижесі бойынша 235 437,9 мың теңге қаржылық бұзушылықтар, 24 276,2 мың теңге бюджет қаражатын тиімсіз пайдалану және 354 980,0 мың теңге тиімсіз жоспарлау кезіндегі және 7 рәсімдік сипаттағы бұзушылықтар анықталды.

2. Анықталған бұзушылықтардың басым бөлігі Қазақстан Республикасы Қаржы министірлігінің бухгалтерлік есеп жүргізу қағидаларының талаптарын, Қазақстан Республикасының Мемлекеттік сатып алу туралы Заңының талаптарын, Қазақстан Республикасының мемлекеттік мүлік туралы Заңының талаптарын, Қазақстан Республикасының Бюджет

кодексінің, Қазақстан Республикасының Қаржы министірінің бюджеттік өтінімді жасау және ұсыну қағидаларының сақтамаудан орын алған.

1. Бюджет қаражаты шығындарын жоспарлау кезінде тиімділік принциптерінің сақталмауы салдарынын бюджет қаражатының тиімсіз пайдаланылуына жол берілген.

2. Қазақстан Республикасы Заңнамаларының талаптарын тиісті сақтамау салдарынан бюджет қаражатын артық және негізсіз шығысталуларына жол берілген.

3.3.Мемлекеттік аудит нәтижелері бойынша ұсынымдар

Жергілікті бюджетті жоспарлау және орындау, жергілікті бюджет қаражатын және мемлекет активтерін пайдалану тиімділігінің мемлекеттік аудиті нәтижелерін негізге ала отырып ҰСЫНАМЫН:

1. Жергілікті бюджетті жоспарлау және орындау, жергілікті бюджет қаражатын және мемлекет активтерін пайдалану тиімділігінің аудит нәтижелері Алматы облысы бойынша тексеру комиссиясының отырысында қаралсын.

2.Мемлекеттік аудит объектісі келесі шараларды қабылдасын:

1. 2022 жылдың 28 наурызына дейі Қазақстан Республикасы заңнамаларының бұзылуына жол берген лауазымды тұлғалардың жауапкершілігін қарасын.