АУДИТОРЛЫҚ ҚОРЫТЫНДЫ

 

1.Кіріспе бөлік

Аудиторлық іс-шараның атауы:

Жергілікті бюджет қаражатын Қазақстан Республикасының бюджеттік заңнамаларына сәйкес пайдаланылуы.

Мемлекеттік аудиттің мақсаты:

Жергілікті бюджет қаражатын Қазақстан Республикасының бюджеттік заңнамаларына сәйкес пайдаланылуына аудит жүргізу.

«Алматы облысының ішкі саясат басқармасы» мемлекеттік мекемесі.

Мемлекеттік аудит тобының құрамы (мемлекеттік аудиторлардың сертификаттарының нөмірлерін көрсете отырып):

Топ жетекшісі – бас маман - мемлекеттік аудитор Мусина Динара Жүрсінғалиқызы, 2016 жылғы 05 желтоқсандағы № 0313 сертификаты, бас маман – мемлекеттік аудитор Темірбаева Мереке Нығметтоллақызы, 2016 жылғы 28 желтоқсандағы № 1287 сертификаты және жетекші маман – мемлекеттік аудитор ассистенті Нұрғожаев Марс Батырханұлы.

Мемлекеттік аудитпен қамтылған кезең:

2018 жылдың қаңтарынан бастап, 2019 жылдың  желтоқсанын қоса алған кезең.

II.Негізгі (талдамалық) бөлік:

2.1. «Алматы облысының ішкі саясат басқармасы» мемлекеттік мекемесіне бөлінген бюджет қаражатының атқарылуына талдау жасау:

Мемлекеттік аудитпен «Алматы облысының ішкі саясат басқармасы» мемлекеттік мекемесіне жергілікті бюджет есебінен бөлінген 3 342 840,9 мың теңге қаражат қамтылды, оның ішінде тексерілетін жылдар   бөлінісінде: 2017 жылы – 1 566 478,7 мың теңге, 2018 жылы – 1 776 362,2 мың теңге.

Аудитпен жалпы   сомасы   3 342 840,9   мың   теңге мың теңге қаражат қамтылып, бұзушылықтар анықталмады.

Осы аудитпен «Байтақ Болашақ» экологиялық одақ» Республикалық қоғамдық бірлестігінің Алматы облысы бойынша филиалының өтінішінде көрсетілген 2019 жылы бюджет қаражаты есебінен әртүрлі іс-шаралар және той өткізу ықтималдығы фактілері қосымша қаралды.

2019 жылға 001 «Мемлекеттік ішкі саясатты іске асыру жөніндегі қызметтер» бюджеттік бағдарламасы, 015 «Жергілікті бюджет қаражаты есебінен» кіші бағдарламасы, 155 «Мемлекеттік әлеуметтік тапсырыс шеңберінде қызметтерге ақы төлеу» ерекшелігі бойынша төленген міндеттемелердің жалпы сомасы 62 593,0 мың теңгені құраған.

«Мемлекеттік сатып алу туралы» Заңына сәйкес өткізілген мемлекеттік сатып алулардың қорытындыларымен анықталған «Мүшелтой» балалар – жасөспірімдер клубы» қоғамдық бірлестігі, «Алакөл әйелдерді қолдау орталығы» қоғамдық бірлестігі, «Катализатор Прогресса» жеке қоры, «Алматы облысының студенттер одағы» жастар қоғамдық бірлестігі, «Алматы облысының Азаматтық Альянсы» қауымдастық нысанындағы заңды тұлғалар бірлестігімен келісім шарттар жасалып, келісім шарттарға сәйкес көрсетілген қызметтердің актілерімен қаржы аударулар жасалған.

Аталған ұйымдар келісім шарт бойынша өз міндеттемелерін толық орындаған, көрсеткен қызметтері бойынша қорытынды шығармашылық есептерін тапсырыс беруші «Алматы облысының ішкі саясат басқармасы» мемлекеттік мекемесіне тапсырған.