Қазақстан Республикасының 2015 жылғы 4 желтоқсанындағы  №434-V «Мемлекеттік сатып алу туралы» Заңының 43-бабының  24-тармағына қайшы  негізгі келісім шарттың 7.3 тармағына сәйкес «ADL GOLDEN FLOW» жауапкершілігі шектеулі серіктестігінің жұмыстарды кешіктірген әр күнтізбелік күніне тұрақсыздық айыппұл  сомасы 311288,5  теңгені құрады.

Келесі мемлекеттік мекемеде бұзушылықтар анықталмады:

«Алматы облысының  тілдерді дамыту басқармасы» мемлекеттік мекемесі.

Өңірдегі тілдерді дамыту саласының жай күйі бойынша талдау жүргізу.

Алматы облысының тілдерді дамыту жөніндегі басқармасында (бұдан әрі – Басқарма) «Қазақстан Республикасындағы тіл туралы» Қазақстан Республикасы Заңы және Қазақстан Республикасында тілдерді дамыту мен қолданудың 2011-2019 жылдарға арналған мемлекеттік бағдарламасын іске асыру жөніндегі 2017-2019 жылдарға арналған Алматы облысы бойынша іс-шаралар жоспарында көрсетілген барлық нәтижелі көрсеткіштерге қол жеткізілген.

Мемлекеттік тілді дамыту институтымен бірлесе отырып, облыстағы тілдік ахуалдың жай-күйін зерделеу мақсатында халықтың көзқарасын анықтау үшін өңіріміздің 17 ауданы мен 3 қаласына әлеуметтік лингвистикалық сауалнама жүргізілген. Бағдарламаның нысаналы индикаторына сәйкес мемлекеттік тілді меңгергендердің үлесі – 92 %,  ағылшын тілін меңгергендер – 13 %, үш тілді меңгергендер 11,8 %  құраған.

Сауалнама нәтижесі бойынша «Алматы облысындағы тілдік ахуал» атты кітапша шығарылған.

Тілдік жағдайды зерделеу мақсатында облыстық және жергілікті  атқарушы органдардың кіріс-шығыс құжаттарына тоқсан сайын мониторинг жүргізілген. Осыған сәйкес өңірімізде жылдың қорытындысы бойынша мемлекеттік тілдің қолданылу көрсеткіші 99,5 пайызды құраған.

2019 жылы мемлекеттік тілді оқыту курсына 869, орыс тілі курсына 21 және ағылшын тілі курсына 462 тіл үйренуші, латын негізді әліпбиді оқыту курсына 1158 тыңдаушы қабылданған. Барлығы 2510 тыңдаушы. Олардың ішінде сертификат алғандардың саны 618, куәлік алғанда 628, анықтама 1231 тыңдаушыға берілген.

Қазақстан Республикасында Тілдерді дамыту мен қолданудың 2011-2019 жылдарға арналған мемлекеттік бағдарламаның басым бағыттарының бірі – ономастикалық мәселелерді ретке келтіру бойынша Алматы облысы әкімдігінің 2013 жылғы 29 мамырдағы «Алматы облысының ономастикалық комиссиясын құру және Ережесін бекіту туралы» қаулысы қабылданып, облыс әкімінің 2013 жылғы 6 маусымдағы өкімімен бекітілген облыстық ономастика комиссиясының мүшелері тарапынан жұмыстар жүргізілген.

Қазақстан Республикасы Үкіметі жанындағы Республикалық ономастика комиссиясымен мақұлданған «Тарихи тұлғалар» тізіміне сәйкес облыс бойынша 3 ауданның, 8 ауылдық округтің, 19 елді мекеннің, 4000 жуық көшенің, 115 білім мекемесі мен 2 мәдениет ұйымының атауы тарихи тұлғалардың атымен аталған.

Халық арасында ортақ тарихи сана қалыптастыру мақсатында 2017-2019 жылдары облыстық ономастика комиссиясының отырысында қаралған 1825 ұсыныстың 1599-ына оң қорытынды берілген (766 дәстүрлі атау, 328 жер-су аты, 505аса көрнекті мемлекет және қоғам қайраткерлерінің, ғылым, мәдениет қайраткерлерінің және қоғамдастық алдында еңбек сіңірген адамдардың есімі (442 тарихи тұлғалар тізіміне енгізілген кісі есімдері).

Бағдарламаның көрсеткіштері:

1) мемлекеттік тілді меңгерген тұрғындардың үлесі (2016 жылы – 80%, 2017 жылы – 83%, 2018 жылы – 85%, 2019 жылы – 90%);

2) мемлекеттік тілді В1 деңгейінде меңгерген мектеп түлектерінің үлесі (2016 жылы – 70%, 2017 жылы – 80%, 2018 жылы – 90%, 2019 жылы – 100%);

3) мемлекеттік бұқаралық ақпарат құралдарындағы қазақтілді контенттің үлесі (2017 жылы – 70%, 2018 жылы – 71%, 2019 жылы – 72%);

4) қазақ тілінің реттелген терминологиялық қорының үлесі (2013 жылы – 20%, 2016 жылы – 60%, 2017 жылы – 75%, 2018 жылы – 90%, 2019 жылы – 100%);

5) шешім қабылдау процесін талқылауға ашықтық және қоғамдық қолжетімділік қағидаттарын сақтау бөлігінде ономастикалық комиссиялардың жұмысына халықтың қанағаттану дәрежесі (2013 жылы – 60%, 2016 жылы – 75%, 2017 жылы – 80%, 2018 жылы – 81%, 2019 жылы – 82%);

6) орыс тілін меңгерген республика халқының үлесі (2017 жылы – 89%, 2018 жылы – 89%, 2019 жылы – 89%);

7) этномәдени бірлестіктер жанындағы қазақ және ана тілдерін оқыту курстарымен қамтылған этностардың үлесі (2013 жылы – 60%, 2016 жылы – 70%, 2017 жылы – 73%, 2018 жылы – 78%, 2019 жылы – 80%);

8) ағылшын тілін меңгерген республика халқының үлесі (2013 жылы – 10%, 2016 жылы – 22%, 2017 жылы – 23%, 2018 жылы – 25%, 2019 жылы-27%);

9) Үш тілді (мемлекеттік, орыс және ағылшын) меңгерген республика халқының үлесі (2013 жылы – 10%, 2016 жылы – 20,5%, 2017 жылы – 22%, 2018 жылы – 24%, 2019 жылы – 25%).

III. Қорытынды бөлік

3.1. Мемлекеттік аудит барысында қабылданған шаралар:

Мемлекеттік аудит барысында жалпы анықталған  «Алматы облысының «Тіл» оқу әдістемелік орталығы» коммуналдық  мемлекеттік  мекемесі бойынша 649,9 мың теңге қаржылық бұзушылықтардың сомасынан 180,9 мың теңге жергілікті бюджет есебіне аударылды,  157,7 мың теңге қаржылық есептілік бойынша қалпына келтірілді,  311,3 мың теңге жергілікті бюджет есебіне өндірілуі тиіс, «Қазақстан Республикасы Қаржы министрлiгi Ішкі мемлекеттік аудит комитетiнiң «Алматы облысы бойынша Ішкі мемлекеттік аудит департаменті» мемлекеттік мекемесіне 2014 жылғы 5 шілдедегі №235-V «Әкімшілік құқық бұзушылық туралы Қазақстан Республикасының Кодексінің» тиісті баптарымен әкімшілік жаза қолдану

мақсатында  2 материал жіберілді, аудит мерзіміндегі  жауапты тұлғаларға департамент тарапынан  хаттама толтырылды.

3.2. Мемлекеттік аудит нәтижелері бойынша тұжырымдар

1.Жүргізілген аудиторлық іс-шараның нәтижесінде Қазақстан Республикасының бюджеттік және өзге де заңнама талаптарының сақталмай жалпы алғанда  649,9 мың теңге қаржылық бұзұшылықтар анықталған. 

2.Анықталған қаржылық бұзұшылықтардың басым бөлігі Қазақстан Республикасы Заңнамаларының талаптарын тиісті сақтамау салдарынан бюджет қаражатын артық  шығысталуларына жол берілген.

3. Қазақстан Республикасы Қаржы министрлігінің бухгалтерлік есеп жүргізу қағидаларының талаптарын сақтамаудан орын алған.

3.3. Мемлекеттік аудит нәтижелері бойынша ұсынымдар мен тапсырмалар.

Жергілікті бюджет қаражатын Қазақстан Республикасының бюджеттік заңнамаларына сәйкес пайдаланылуына сәйкестік аудиті нәтижелерін негізде ала отырып ҰСЫНАМЫН:

1. «Алматы облысының  тілдерді дамыту басқармасы» мемлекеттік мекемесі мен «Алматы облысының «Тіл» оқу әдістемелік орталығы» коммуналдық  мемлекеттік  мекемесінде жергілікті бюджет Қазақстан Республикасының бюджеттік заңнамаларына сәйкес пайдаланылуына жүргізілген сәйкестік аудитінің нәтижелері Алматы облысы бойынша тексеру комиссиясынның отырысында қаралсын.

2. «Алматы облысының «Тіл» оқу әдістемелік орталығы» коммуналдық  мемлекеттік  мекемесі келесі шараларды қабылдасын:

1) 2021 жылдың 1 наурызына дейін бюджет есебіне өндірілуге жататын 311,3 мың теңгенің жергілікті бюджет есебіне өндірілуін қамтамасыз етсін.

2) А жергілікті бюджет есебіне өндірген 180,9 мың теңгесі және есептілік бойынша қалпына келтірілген 157,7мың теңге назарға алынсын.

3.5. Қосымша: Мемлекеттік аудит нәтижелері бойынша анықталған бұзушылықтар мен кемшіліктердің   ЖИЫНТЫҚ ТІЗІЛІМІ  (3 парақ)