Алматы облысы бойынша

тексеру комиссиясының

төрағасы М. Мұсаевқа

 

АУДИТОРЛЫҚ ҚОРЫТЫНДЫ

 

I. Кіріспе бөлік

1.1. Аудиторлық іс-шараның атауы: Қазақстан Республикасының заңнамасын сақтауына мемлекеттік аудиті.

1.2. Мемлекеттік аудиттің мақсаты: Бюджет қаражатын Қазақстан Республикасының заңнамаларына сәйкес пайдаланылуының негізділігіне аудит жүргізу.

1.3. Мемлекеттік аудиттің объектісі:

1.  «Ескелді ауданының білім бөлімі»   мемлекеттік мекемесі.

1.4. Мемлекеттік аудитпен қамтылған кезең: 2014 жылдың 01 қаңтарынан бастап, 2019 жылдың 31 желтоқсан аралығы.

II. Негізгі (талдамалық) бөлік

2.1. Аудиттелетін саланың жай-күйін қысқаша талдау:

А.Байсадықовтың 2020 жылдың 27 қарашасында жазылған арызында аталып көрсетілген фактілері бойынша «Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агентігінің Алматы облысы бойынша департаменті» РМК-ң 2020 жылғы 28 қарашадағы №-ЖТ-Б/1733 хаты негізінде аудит жүргізілді.  

2.2. Мемлекеттік аудиттің негізгі нәтижелері

А.Байсадықовтың 2020 жылдың 27 қарашасында жазылған арызында аталып көрсетілген төмендегі 16 мәселе бойынша:

 1. Техникалық персоналдар мен жұмыскерлердің күнделікті жұмыс уақытын есептеу туралы;

2. Техникалық персоналдар мен жұмыскерлердің жұмыс күндерін есептеу туралы;

3. Еңбекке жарамсыз халде болғандарды ауыстырғандар қосымша атқарған жұмыстары үшін қосымша төлем ала алмаулары туралы;

4. Екі техникалық персоналға артық 1,5 бірлік еңбекақы төлеу туралы;

5. М. А. Джаксыбаевқа артық төленген еңбекақы туралы;

6. 2015 жылдың сәуір-шілде айларында Ескелді ауданы білім бөлімінің заңгері С.С.Оналбаевқа төленген еңбекақы туралы;

7. Г. Байсакованың артық алған еңбекақысы туралы;

8. А. Байсадыковтан 38 ай бойы еңбекақысынан партиялық жарна ұстап қалу туралы;

9. Жыл сайын қысым көрсетіп газеттер мен журналдарға жазылу туралы;

10. Ай сайын еңбекақысынан 1 % мектеп қажеттілігіне ұстап қалу туралы;

11. 2015-2017 жылдар аралығында тексерушілерге ақша жинау туралы;

12. 2015 жылы орнатылған пандус және екі есік туралы;

13. Зейнеткерлердің жұмыс жасауы, сотталмаған туралы анықтамасыз жұмысқа қабылдау және бұрын туберкулездың ашық түрімен ауырған адамдарды жұмысқа қабылдау туралы;

14. Тауар-материалдық құндылықтарды мемлекеттік сатып алу туралы;

15. Кіші медициналық персонал Г.Тұрарбекованың еңбекақысы туралы;

16. А.Байсадыковтың еңбекақысының қайта есептелуі туралы мемлекеттік аудит жүргізілді.

Аудиторлық іс шара қорытындысымен А.Байсадықовтың арызында көрсетілген 16 сұрақтың 14-де фактілер расталмады, 2-де өз дәлелін тауып отыр, атап айтқанда:

1. 8-сұрақ А. Байсадыковтан 38 ай бойы еңбекақысынан партиялық жарна ұстап қалу туралы.

Аудитпен 2014 жылдың маусымынан 2017 жылдың тамыз айлары аралығындағы кезеңдегі жалақы бойынша төлем ведомостары, анықтамалар қамтылып, сол кездегі мектеп директорының шаруашылық жөніндегі орынбасары А. Байсадықовтың еңбек ақысынан 2014 жылдың қыркүйегімен 2017 жылдың тамыз айы аралығында (35 ай) 8200 теңге партиялық жарна ұсталынғаны анықталды. Партиялық жарна мектеп ұжымының қолдары қойылған мектеп ұжымының атынан ай сайын партиялық жарнаны ұстау туралы ұжымдық өтініші  және мүшелік жарнаны төлеу тізімдемесі негізінде ұсталынған, оның ішінде арызданушы А. Байсадықовтың өзінің қолы қойылған.

Аудит барысында «Nur Otan» партиясы Алматы облысы Ескелді аудандық филилына Тексеру комиссиясы 2020 жылдың 09 желтоқсанында №02-13/3080 хатымен сұраным жасалып, «Nur Otan» партиясы Алматы облысы Ескелді аудандық филилының 2020 жылдың 10 желтоқсанында №ШҚ-48 хатымен А.Байсадықовтың орталықтандырылған есеп базасында партия мүшесі ретінде тіркелмегендігі жөнінде жауап алынды.

1. 16-сұрақ А.Байсадыковтың еңбекақысының қайта есептелуі туралы.

Мектеп директоры Л.Усербаеваның «А.А.Байсадыковты жұмыстан шығару туралы» 31.08.2017 ж. №152 ж/қ бұйрығы негізінде Қазақстан Республикасы Еңбек кодексінің 52 бабы 4 тармағы және 64 бап 4 тармағына сәйкес 3 сағат және одан да ұзақ уақыт себепсіз жұмыста болмағаны үшін мектеп директорының шаруашылық жөніндегі орынбасары А.Байсадықовпен 2014 жылдың 23 маусымында жасалған №8 еңбек келісімшарты 2017 жылдың 31 тамызынан бастап бұзылды. Мектеп директорының «Пайдаланылмаған демалыс үшін өтемақы төлеу туралы» 15.11.2017 ж. №237 ж/қ және «Жалақыны қайта есептеу туралы» 15.11.2017 ж. 238 ж/қ бұйрықтары негізінде А.Байсадықовқа тиесілі жыл сайынғы ақы төленетін еңбек демалысының пайдаланылмаған күндері үшін өтемақы төлемі мен еңбекақысы қайта есептеліп берілді.

Алайда, Қазақстан Республикасы Еңбек кодексінің 113 бап, 4 тармағының талабына қайшы еңбек шарты тоқтатылған кезде жұмыс берушіден жұмыскерге тиесілі сомаларды төлеу ол тоқтатылғаннан кейінгі үш жұмыс күнінен кешіктіріліп А.Байсадықовпен 2017 жылдың 15 қарашасында есептескен.

Тексеру комиссиясының мүшесі                              Қ. Манамұратов

 

Бөлім басшысы                                                          Д. Базарбаев

 

Сапа бақылауына жауапты

құрылымдық бөлімшенің басшысы                        Қ. Есенаманов

 

Құқықтық сүйемелдеуге жауапты

құрылымдық бөлімшенің басшысы                        А. Қадір 

 

Аудит тобының жетекшісі                                        Д. Базарбаев