Nazar aýdaryńyz! Qazaqstan Respýblıkasynyń «Jeke jáne zańdy tulǵalardyń ótinishterin qaraý tártibi týraly» Zańyna sáıkes óz aty-jónińizdi tolyq jazýyńyz qajet ekenin esińizge salamyz. Al qajet dep tapsańyz baılanys aqparattaryn da kórsetýińizge bolady. Eger ótinish ıesiniń aty-jóni oıdan shyǵarylǵan bolsa, onda ótinish qarastyrylmaýy múmkin.

Qazaqstan Respýblıkasynyń «Jeke jáne zańdy tulǵalardyń ótinishterin qaraý tártibi týraly» Zańynyń (12.01.2007 jylǵy N 221) keıbir baptary.


5-bap. Qaraýǵa jatpaıtyn ótinishter

1. Mynalar qaraýǵa jatpaıdy:
1) mundaı ótinishte daıyndalyp jatqan nemese jasalǵan qylmystar týraly ne memlekettik nemese qoǵamdyq qaýipsizdikke tónetin qaýip týraly málimetter bar jáne memlekettik organdardyń quzyretterine sáıkes olarǵa dereý jiberilýge tıis jaǵdaılardy qospaǵanda, ıesi búrkemelengen ótinish;
2) máseleniń máni baiandalmaǵan ótinish.
2. Eger ótinishti qaraýsyz qaldyrýǵa negiz bolǵan jaǵdaılar keıinnen joıylsa, sýbekt nemese laýazymdy tulǵa atalǵan ótinishti qaıta qaraýǵa mindetti.


6-bap. Jazbasha ótinishke qoıylatyn talaptar

1. Ótinish quzyretine ótinishte qoıylǵan máselelerdi sheshý kiretin sýbektige nemese laýazymdy tulǵaǵa jiberilýge tıis.
2. Jeke tulǵanyń ótinishinde onyń tegi, aty, sondaı-aq qalaýy boıynsha ákesiniń aty, pochtalyq meken-jaıy, zańdy tulǵanyń ótinishinde - onyń ataýy, pochtalyq meken-jaıy, shyǵys nómiri men kúni kórsetiledi. Ótinishke aryz ıesi qol qoiýy ne ol elektrondyq tsıfrlyq qoltańbamen kýálandyrylýǵa tıis.
Shaǵym jasalǵan kezde is-áreketine shaǵym jasalyp otyrǵan sýbektiniń ataýy nemese laýazymdy tulǵalardyń laýazymy, tegi jáne aty-jóni, ótinish jasaý sebepteri men talaptary kórsetiledi.
3. Sýbektige tikeleı jazbasha ótinish jasaǵan aryz berýshige tirkelgen kúni men ýaqyty, ótinishti qabyldaǵan adamnyń tegi men aty-jóni kórsetilgen talon beriledi.


8-bap. Ótinishti qaraý merzimderi

1. Qaraý úshin ózge sýbektilerden, laýazymdy tulǵalardan aqparat alý ne jergilikti jerge baryp tekserý talap etilmeıtin jeke jáne (nemese) zańdy tulǵanyń ótinishi kúntizbelik on bes kún ishinde qaralady.
2. Qaraý úshin ózge sýbektilerden, laýazymdy tulǵalardan aqparat alý ne jergilikti jerge baryp tekserý talap etiletin jeke jáne (nemese) zańdy tulǵanyń ótinishi sýbektige, laýazymdy tulǵaǵa kelip túsken kúninen bastap kúntizbelik otyz kún ishinde qaralady jáne ol boıynsha sheshim qabyldanady.
Qosymsha zerdeleý nemese tekserý júrgizý qajet bolǵan jaǵdaılarda, qaraý merzimi kúntizbelik otyz kúnnen aspaıtyn merzimge uzartylýy múmkin, bul týraly qaraý merzimi uzartylǵan kezden bastap kúntizbelik úsh kún ishinde aryz berýshige habarlanady.
3. Ótinishti qaraý merzimin sýbektiniń basshysy nemese onyń orynbasary uzartady.
4. Eger ótinishte baiandalǵan máselelerdi sheshý uzaq merzimdi talap etse, onda ótinish túpkilikti oryndalǵanǵa deıin qosymsha baqylaýǵa qoıylady, bul týraly kúntizbelik úsh kún ishinde aryz berýshige habarlanady.
5. Qazaqstan Respýblıkasynyń zańdarynda ótinishterdi qaraýdyń ózge de merzimderi belgilenýi múmkin.

[ Kelisemin ] [ Kelispeımin ]