Tekserý komıssıiasy tıisti ákimshilik-aýmaqtyq birlik sheginde mynalardyń:

1) óziniń mazmuny boıynsha jergilikti atqarýshy organnyń tıisti esebine qorytyndy bolyp tabylatyn esepti qarjy jyly úshin jergilikti biýdjettiń atqarylýy týraly esep daıyndaı otyryp, Qazaqstan Respýblıkasynyń biýdjet júıesiniń qaǵıdattaryna sáıkes jergilikti biýdjetti josparlaýdyń jáne atqarýdyń;

2) baılanysty granttardy, biýdjettik ınvestıtsıialardy, memlekettik jáne memleket kepildik bergen qaryzdardy, memleket kepilgerligimen tartylatyn qaryzdardy jáne memleket aktıvterin paıdalanýdyń;

3) jergilikti atqarýshy organ men kvazımemlekettik sektor sýbektileri qyzmetiniń ekonomıkanyń nemese ekonomıkanyń jeke alǵandaǵy salasynyń, áleýmettik jáne basqa da memlekettik basqarý salalarynyń damýyna áseriniń;

4) tıisti biýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalary boıynsha ózge de baǵyttar boıynsha Qazaqstan Respýblıkasy Memlekettik josparlaý júıesi qujattarynyń iske asyrylýynyń;

5) jergilikti atqarýshy organ men kvazımemlekettik sektor sýbektileriniń taýarlardy, jumystardy, kórsetiletin qyzmetterdi satyp alýdy josparlaý negizdiliginiń, olardyń iske asyrylýynyń jáne júzege asyrylý tıimdiliginiń;

6) taýarlar, jumystar, kórsetiletin qyzmetter satyp alýǵa bólingen (jumsalǵan) jergilikti qarjy resýrstarynyń mólsheri men satyp alynǵan taýarlardyń, jumystardyń, kórsetiletin qyzmetterdiń naryqtyq quny arasyndaǵy aıyrmany baǵalaýdy qosa alǵanda, baǵa belgileýdiń;

7) kvazımemlekettik sektor sýbektileriniń aktıvterin basqarýdyń;

8) salyqtyq ákimshilendirýdiń;

9) sharttardyń;

10) qorshaǵan ortany qorǵaý salasyndaǵy;

11) aqparattyq tehnologıialar salasyndaǵy;

12) memlekettik aýdıt obektileri qyzmetiniń tıimdilik aýdıtin júzege asyrady.

2. Tekserý komıssıiasy tıisti ákimshilik-aýmaqtyq birliktiń sheginde mynalarǵa:

1) memlekettik aýdıt obektileriniń býhgalterlik esepti júrgizý jáne qarjylyq eseptilikti jasaý anyqtyǵyna jáne durystyǵyna;

2) jergilikti atqarýshy organnyń jáne kvazımemlekettik sektor sýbektileriniń shart talaptaryn oryndaýyna;

3) jergilikti biýdjetke túsetin túsimderdiń, biýdjetke túsetin túsimderdi alýdyń tolyqtyǵy men ýaqtylyǵyna, sondaı-aq jergilikti biýdjetten qate (artyq) tólengen somany qaıtarýǵa, esepke jazýdyń durystyǵyna;

4) jergilikti biýdjet qarajatyn, onyń ishinde joǵary turǵan biýdjetten tómen turǵan biýdjetke nysanaly transfertter jáne kredıtter túrinde bólingen qarajatty, baılanysty granttardy, memlekettik jáne memleket kepildik bergen qaryzdardy, sondaı-aq memleket kepilgerligimen tartylatyn qaryzdardy paıdalanýǵa;

5) jergilikti biýdjetten kvazımemlekettik sektor sýbektileriniń ózderine bólingen qarajatty qarjy-ekonomıkalyq negizdemege sáıkestigi boıynsha paıdalanýyna sáıkestik aýdıtin júzege asyrady.

4. Tekserý komıssıiasy tıisti ákimshilik-aýmaqtyq birlik sheginde:

1) óz quzyreti sheginde sybaılas jemqorlyqqa qarsy is-qımyldar boıynsha sharalar qoldanýdy qamtamasyz etedi;

2) syrtqy memlekettik aýdıt júrgizýmen baılanysty máseleler boıynsha memlekettik aýdıt obektileri laýazymdary adamdarynyń tıisti aqparatyn tyńdaıdy;

3) memlekettik aýdıt qorytyndylary boıynsha laýazymdy adamdardy tártiptik jaýaptylyqqa tartý týraly olardy taǵaıyndaǵan adamdarǵa usynystar engizedi;

4) memlekettik aýdıt jáne saraptamalyq-taldaý is-sharalary barysynda anyqtalǵan (anyqtalatyn) buzýshylyqtar men kemshilikterdi joiý jóninde sharalar qoldanady;

5) laýazymdy adamdardyń Qazaqstan Respýblıkasynyń normatıvtik-quqyqtyq aktilerin saqtamaýynyń anyqtalǵan faktileri boıynsha, sondaı-aq tıimdilik aýdıtiniń nátıjeleri boıynsha máslıhatqa usynystar engizedi;

6) qupıialylyq rejımin, qyzmettik, kommertsıialyq nemese zańmen qorǵalatyn ózge qupıiany qamtamasyz etýdi eskere otyryp, óz qyzmeti týraly aqparatty buqaralyq aqparat quraldarynda ornalastyrady;

7) Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.