«Almaty oblysy boıynsha tekserý komıssıiasy»

memlekettik mekemesiniń Erejesi

 

 

1-taraý. Jalpy erejeler

 

1. Almaty oblysy boıynsha tekserý komıssıiasy (budan ári – Tekserý komıssıiasy) jergilikti biýdjettiń atqarylýyna syrtqy memlekettik aýdıtti jáne qarjylyq baqylaýdy júzege asyratyn memlekettik organ bolyp tabylady.

2. Tekserý komıssıiasy óz qyzmetin Qazaqstan Respýblıkasynyń Konstıtýtsıiasyna, Qazaqstan Respýblıkasynyń zańdaryna, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerine, Qazaqstan Respýblıkasynyń ózge de normatıvtik quqyqtyq aktilerine, Tekserý komıssıiasynyń reglamentine, sondaı-aq osy Erejege sáıkes tıisti ákimshilik-aýmaqtyq birlik sheginde júzege asyrady.

3. Tekserý komıssıiasy memlekettik mekemeniń uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy bar mórleri men mórtańbalary, logotıpi, belgilengen úlgidegi blankileri, Qazaqstan Respýblıkasynyń zańnamasyna sáıkes qazynashylyq organdarynda shottary bolady.

4. Tekserý komıssıiasy azamattyq-quqyqtyq qatynastarǵa óz atynan túsedi.

5. Eger Qazaqstan Respýblıkasynyń zańnamasyna sáıkes Tekserý komıssıiasyna ýákilettik berilgen bolsa, onyń memleket atynan
azamattyq-quqyqtyq qatynastardyń tarapy bolýǵa quqyǵy bar.

6. Tekserý komıssıiasy óz quzyretiniń máseleleri boıynsha Qazaqstan Respýblıkasynyń zańnamasynda belgilengen tártippen Tekserý komıssıiasy tóraǵasynyń buıryqtarymen jáne Tekserý komıssıiasynyń qaýlylarymen resimdeletin sheshimder qabyldaıdy.

7. Tekserý komıssıiasynyń qurylymyn Tekserý komıssıiasynyń tóraǵasy, tórt múshesi jáne apparaty quraıdy. Tekserý komıssıiasynyń shtat sany lımıtin Qazaqstan Respýblıkasynyń Prezıdenti bekitedi.

8. Tekserý komıssıiasynyń zańdy mekenjaıy: Indeksi 040800, Qazaqstan Respýblıkasy, Almaty oblysy, Qonaev qalasy, D.A.Konaev dańǵyly, 7/2 úı.

9. Tekserý komıssıiasy týraly erejeni Almaty oblysynyń máslıhaty bekitedi.

10. Osy Ereje Tekserý komıssıiasynyń quryltaı qujaty bolyp tabylady.

11. Tekserý komıssıiasynyń qyzmetin qarjylandyrý Qazaqstan Respýblıkasynyń zańnamasyna sáıkes tıisti ákimshilik-aýmaqtyq birliktiń jergilikti biýdjetiniń qarajaty esebinen júzege asyrylady.

12. Tekserý komıssıiasyna kásipkerlik sýbektilerimen Tekserý komıssıiasynyń ókilettikteri bolyp tabylatyn mindetterdi oryndaý turǵysynan sharttyq qatynastarǵa túsýge tyıym salynady.

Eger Qazaqstan Respýblıkasynyń zańnamalyq aktilerimen Tekserý komıssıiasyna kirister ákeletin qyzmetti júzege asyrý quqyǵy berilse, onda alynǵan kiris, eger Qazaqstan Respýblıkasynyń zańnamasynda ózgeshe belgilenbese, memlekettik biýdjetke jiberiledi.

 

 

2-taraý. Tekserý komıssıiasynyń mindetteri men ókilettikteri

 

13. Tekserý komıssıiasynyń mindetteri:

1) jergilikti biýdjetterdiń atqarylýyna, memleket jáne kvazımemlekettik sektor sýbektileri aktıvteriniń paıdalanylýyna jergilikti deńgeıde syrtqy memlekettik aýdıtti jáne qarjylyq baqylaýdy júzege asyrý;

2) Qazaqstan Respýblıkasynyń biýdjet zańnamasy, Qazaqstan Respýblıkasynyń memlekettik satyp alý týraly zańnamasy jáne Qazaqstan Respýblıkasynyń jergilikti biýdjetterdiń atqarylýy, biýdjet qarajatynyń, memleket jáne kvazımemlekettik sektor sýbektileri aktıvteriniń paıdalanylýy salasyndaǵy ózge de normatıvtik quqyqtyq aktileri talaptarynyń saqtalýyn baqylaý;

3) jergilikti biýdjetterdiń atqarylýyn, oblystardyń, qalalardyń, damý josparlarynyń jáne biýdjettik baǵdarlamalardyń iske asyrylýyn taldaý jáne baǵalaý.

14. Ókilettikteri:

1) quqyqtary:

oblystyń, qalanyń, aýdannyń (oblystyq mańyzy bar qalanyń) jergilikti atqarýshy organynan, memlekettik organdardan, jeke jáne zańdy tulǵalardan qupıialylyq rejıminiń, qyzmettik, kommertsıialyq nemese zańmen qorǵalatyn ózge de qupıianyń saqtalýyn eskere otyryp, vedomstvolyq aqparattyq júıeler derekteriniń quramy men formattary týraly málimetterdi, sondaı-aq memlekettik aýdıt obektileriniń tıisti jylǵa arnalǵan tizbesin qalyptastyrý jáne memlekettik aýdıtti júzege asyrý, biýdjettiń atqarylýy týraly esepterdi daıyndaý úshin qajetti qujattamany (aqparatty) suratady jáne alady;

anyqtalǵan buzýshylyqtardy joiý jáne olarǵa jol bergen laýazymdy adamdardyń jaýaptylyǵyn qaraý týraly barlyq memlekettik organdardyń, uıymdardyń jáne laýazymdy adamdardyń oryndaýy úshin mindetti nusqama shyǵarady;

Qazaqstan Respýblıkasynyń zańnamasyna sáıkes memlekettik jáne ózge de aqparattyq júıelerge memlekettik aýdıt júrgizý úshin qajetti qoljetimdilikti alady;

memlekettik organdar men uıymdardyń qaýlyda nemese nusqamada belgilengen merzimderde usynymdar men nusqamalardyń oryndalýy týraly rastaıtyn qujattary qosa berilgen aqparatyn alady;

syrtqy memlekettik aýdıt júrgizýmen baılanysty máseleler boıynsha memlekettik aýdıt obektileri laýazymdy adamdarynyń tıisti aqparatyn tyńdaıdy;

memlekettik aýdıt qorytyndylary boıynsha laýazymdy adamdardy tártiptik jaýaptylyqqa tartý týraly olardy taǵaıyndaǵan adamdarǵa usynystar engizedi;

laýazymdy adamdardyń Qazaqstan Respýblıkasynyń
normatıvtik-quqyqtyq aktilerin saqtamaýynyń anyqtalǵan faktileri boıynsha, sondaı-aq tıimdilik aýdıtiniń nátıjeleri boıynsha tıisti oblystyń, qalanyń,  aýdannyń (oblystyq mańyzy bar qalanyń) máslıhatyna (budan ári – máslıhat) usynystar engizedi;

aýmaǵynda ózderi jumys isteıtin oblystyq biýdjetke, qalanyń,  biýdjetterine, sondaı-aqtıisti ákimshilik-aýmaqtyq birlikte qurylǵan aýdandardyń (oblystyq mańyzy bar qalalardyń) biýdjetterine qatysty saraptamalyq-taldamalyq qyzmetti júzege asyrady;

Qazaqstan Respýblıkasynyń ákimshilik quqyq buzýshylyq týraly zańnamasynda kózdelgen quzyreti sheginde ákimshilik quqyq buzýshylyq týraly is boıynsha is júrgizýdi qozǵaıdy;

ákimshilik quqyq buzýshylyq týraly isterdi qaraıdy, olar boıynsha hattamalar jasaıdy jáne Qazaqstan Respýblıkasynyń ákimshilik quqyq buzýshylyq týraly zańnamasynda kózdelgen tártippen ákimshilik jazalar qoldanady;

Qazaqstan Respýblıkasynyń Joǵary aýdıtorlyq palatasymen (budan
ári – Joǵary aýdıtorlyq palata) jáne basqa memlekettik organdarmen kelisý boıynsha birlesken nemese qatar tekserýlerdi júrgizýge qatysady;

memlekettik aýdıtti júrgizý úshin memlekettik organdardyń tıisti mamandaryn (olarmen kelisý boıynsha), sondaı-aq qajet bolǵan kezde aýdıtorlyq uıymdardy, sarapshylardy olardyń kórsetetin qyzmetterine biýdjetten bólingen qarajat sheginde aqy tóleı otyryp tartady;

Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.

2) mindetteri:

aýdıtorlyq esepterdiń jáne (nemese) qarjylyq eseptilik jónindegi aýdıtorlyq esepterdiń negizinde jasalǵan aýdıtorlyq qorytyndyny bekitedi;

Tekserý komıssıiasynyń qaýlylaryn qabyldaıdy;

aýdıtorlyq is-shara jáne saraptamalyq-taldamalyq is-sharalar barysynda anyqtalǵan (anyqtalatyn) buzýshylyqtar men kemshilikterdi joiý boıynsha sharalar qabyldaıdy;

memlekettik aýdıt obektisi laýazymdy adamdarynyń áreketterinde qylmystyq nemese ákimshilik quqyq buzýshylyq belgileri anyqtalǵan jaǵdaılarda materıaldardy aýdıtorlyq dáleldemelerimen birge quqyq qorǵaý organdaryna nemese ákimshilik quqyq buzýshylyq týraly isterdi qozǵaýǵa jáne (nemese) qaraýǵa ýákiletti organdarǵa beredi;

biýdjetke óteýdi qamtamasyz etý, jumystardy oryndaý, qyzmetterdi kórsetý, taýarlardy jetkizý jáne (nemese) buzýshylyqtardyń erikti túrde ótelmegen (qalpyna keltirilmegen), anyqtalǵan somalaryn esepke alý boıynsha kórsetý jáne (nemese) azaıtý arqyly qalpyna keltirý jáne Tekserý komıssıiasynyń nusqamasyn oryndaý maqsatynda sotqa talap qoiady;

eger basqa memlekettik aýdıt jáne qarjylyq baqylaý organdary júrgizgen memlekettik aýdıt nátıjelerin Joǵary aýdıtorlyq palata memlekettik aýdıt jáne qarjylyq baqylaý standarttaryna sáıkes kelmeıdi dep tanymasa, olardy tanıdy;

memlekettik aýdıt nátıjeleri tanylǵan jaǵdaılarda basqa memlekettik aýdıt jáne qarjylyq baqylaý organdary júrgizgen memlekettik aýdıt materıaldaryn negizge ala otyryp, memlekettik aýdıt kólemin qysqartady;

Qazaqstan Respýblıkasynyń zańnamasyna sáıkes quqyqtyq statıstıka jáne arnaıy esepke alý jónindegi ýákiletti organda aýdıtorlyq is-sharalar men tekserýlerdi tirkeýdi júzege asyrady;

Qazaqstan Respýblıkasynyń memlekettik qupıialar týraly zańnamasyna sáıkes memlekettik qupıialardy jáne (nemese) Qazaqstan Respýblıkasynyń Úkimeti aıqyndaǵan taratylýy shekteýli qyzmettik aqparatty qamtıtyn málimetterdi qospaǵanda, memlekettik aýdıt obektileriniń tıisti jylǵa arnalǵan bekitilgen tizbelerin jáne olarǵa engizilgen ózgeristerdi bekitilgen kúninen bastap kúntizbelik bes kún ishinde Tekserý komıssıiasynyń
ınternet-resýrsynda ornalastyrady;

memlekettik aýdıt obektileriniń tizbesin qalyptastyrý úshin memlekettik aýdıt jáne qarjylyq baqylaý materıaldaryn, eseptilikti memlekettik aýdıt jáne qarjylyq baqylaý jónindegi biryńǵaı derekqorǵa ornalastyrady,
sondaı-aq kelisilgen merzimderde memlekettik aýdıt obektileriniń tıisti jylǵa arnalǵan tizbeleri bekitilgenge deıin ol týraly aqparat almasýdy júzege asyrady;

tekserýlerdiń qaıtalanýyn bolǵyzbaý maqsatynda memlekettik aýdıt obektileriniń tıisti jylǵa arnalǵan tizbelerin jáne olarǵa engiziletin ózgeristerdi memlekettik aýdıt jáne qarjylyq baqylaý organdarymen kelisedi;

memlekettik organdar men uıymdardyń basshylaryna olarda belgilengen merzimderde nemese eger merzimi kórsetilmegen bolsa, olardy alǵan kúnnen bastap kúntizbelik otyz kún ishinde qaraý jáne oryndaý úshin qaýlylar men nusqamalar jiberedi;

ózderi aýdıtorlyq qorytyndyda bergen usynymdardyń jáne mindetti túrde oryndaý úshin jibergen nusqamalardyń monıtorıngin júıeli negizde júzege asyrady;

júrgiziletin aýdıtorlyq is-sharalardyń qorytyndylaryn júıeli túrde taldaıdy, biýdjettiń atqarylýy, memleket pen kvazımemlekettik sektor sýbektileriniń aktıvterin paıdalaný protsesinde anyqtalǵan buzýshylyqtar men kemshilikterdiń sebepteri men saldaryn jınaqtap qorytady jáne zerdeleıdi, sondaı-aq Qazaqstan Respýblıkasynyń biýdjet zańnamasyn jetildirý jáne qarjy júıesin damytý jóninde usynystar ázirleıdi jáne olardy tıisti ýákiletti organdardyń qaraýyna usynady;

Memlekettik aýdıt jáne qarjylyq baqylaý organdarynyń úılestirý keńesiniń sheshimderin oryndaýdy jáne Joǵary aýdıtorlyq palataǵa tıisti aqparat usynýdy qamtamasyz etedi;

Joǵary aýdıtorlyq palatanyń suraý salýlary boıynsha jergilikti biýdjettiń atqarylýy týraly aqparat usynady;

qupıialylyq rejıminiń, qyzmettik, kommertsıialyq nemese zańmen qorǵalatyn ózge de qupıianyń saqtalýyn eskere otyryp, buqaralyq aqparat quraldarynda óz qyzmeti týraly aqparatty ornalastyrady;

óz quzyreti sheginde sybaılas jemqorlyqqa qarsy is-qımyl boıynsha sharalar qoldanýdy qamtamasyz etedi;

Qazaqstan Respýblıkasy Prezıdentiniń, ol ýákilettik bergen Qazaqstan Respýblıkasynyń Prezıdenti Ákimshiliginiń tapsyrmalaryn, Joǵary aýdıtorlyq palatanyń suraý salýlaryn qaraıdy jáne olardy memlekettik aýdıt obektileriniń tıisti jylǵa arnalǵan tizbesin qalyptastyrý kezinde eskeredi;

memlekettik aýdıt obektileriniń tıisti jylǵa arnalǵan tizbesin qalyptastyrý kezinde quqyq qorǵaý organdarynyń, arnaýly memlekettik organdardyń usynystaryn taldap, olardyń oryndylyǵy men ózektiligin qaraý úshin Tekserý komıssıiasynyń otyrysyna talqylaýǵa shyǵarady.

15. Tekserý komıssıiasy Almaty oblysynyń sheginde myna fýnktsıialardy:

1) mynalardyń:

óziniń mazmuny boıynsha jergilikti atqarýshy organnyń tıisti esebine qorytyndy bolyp tabylatyn esepti qarjy jyly úshin jergilikti biýdjettiń atqarylýy týraly esep daıyndaı otyryp, Qazaqstan Respýblıkasynyń biýdjet júıesiniń qaǵıdattaryna sáıkes jergilikti biýdjetti josparlaýdyń jáne atqarýdyń;

baılanysty granttardy, biýdjettik ınvestıtsıialardy, memlekettik jáne memleket kepildik bergen qaryzdardy, memleket kepilgerligimen tartylatyn qaryzdardy jáne memleket aktıvterin paıdalanýdyń;

jergilikti atqarýshy organ men kvazımemlekettik sektor sýbektileri qyzmetiniń ekonomıkanyń nemese ekonomıkanyń jeke alǵandaǵy salasynyń, áleýmettik jáne basqa da memlekettik basqarý salalarynyń damýyna áseriniń;

tıisti biýdjetti atqarý jáne memleket aktıvterin paıdalaný bóliginde, al Qazaqstan Respýblıkasy Prezıdentiniń tapsyrmalaryna sáıkes ózge de baǵyttar boıynsha Qazaqstan Respýblıkasynyń memlekettik josparlaý júıesi qujattarynyń iske asyrylýynyń;

jergilikti atqarýshy organ men kvazımemlekettik sektor sýbektileriniń taýarlardy, jumystardy, kórsetiletin qyzmetterdi satyp alýdy josparlaý negizdiliginiń, olardyń iske asyrylýynyń jáne júzege asyrylý tıimdiliginiń;

taýarlar, jumystar, kórsetiletin qyzmetter satyp alýǵa bólingen (jumsalǵan) jergilikti qarjy resýrstarynyń mólsheri men satyp alynǵan taýarlardyń, jumystardyń, kórsetiletin qyzmetterdiń naryqtyq quny arasyndaǵy aıyrmany baǵalaýdy qosa alǵanda, baǵa belgileýdiń;

kvazımemlekettik sektor sýbektileriniń aktıvterin basqarýdyń;

salyqtyq ákimshilendirýdiń;

sharttardyń;

qorshaǵan ortany qorǵaý salasynda;

aqparattyq tehnologıialar salasynda;

memlekettik aýdıt obektileri qyzmetiniń tıimdilik aýdıtin júzege asyrady;

2) mynalarǵa:

memlekettik aýdıt obektileriniń býhgalterlik esepti júrgizý jáne qarjylyq eseptilikti jasaý anyqtyǵyna jáne durystyǵyna;

jergilikti atqarýshy organnyń jáne kvazımemlekettik sektor sýbektileriniń shart talaptaryn oryndaýyna;

jergilikti biýdjetke túsetin túsimderdiń, biýdjetke túsetin túsimderdi alýdyń tolyqtyǵy men ýaqtylylyǵyna, sondaı-aq jergilikti biýdjetten qate (artyq) tólengen somany qaıtarýdyń, esepke jazýdyń durystyǵyna;

jergilikti biýdjet qarajatyn, onyń ishinde joǵary turǵan biýdjetten tómen turǵan biýdjetke nysanaly transfertter jáne kredıtter túrinde bólingen qarajatty, baılanysty granttardy, memlekettik jáne memleket kepildik bergen qaryzdardy, sondaı-aq memleket kepilgerligimen tartylatyn qaryzdardy paıdalanýǵa;

kvazımemlekettik sektor sýbektileriniń qarjy-ekonomıkalyq negizdemege sáıkes ózderine bólingen jergilikti biýdjet qarajatyn paıdalanýyna sáıkestik aýdıtin júzege asyrady;

3) jergilikti biýdjettiń shoǵyrlandyrylǵan qarjylyq eseptiligine aýdıt, biýdjettik baǵdarlamalar ákimshileriniń jáne memlekettik mekemelerdiń qarjylyq eseptiligine aýdıt júrgizedi;

4) oblystyq biýdjettiń, qalanyń biýdjetteriniń jobasyna negizgi shyǵys baǵyttary boıynsha aldyn ala baǵalaý júrgizedi; (2028 jylǵy 1 qańtardan bastap kúshine enedi).

5) tıisti biýdjettiń atqarylýyna aǵymdaǵy baǵalaý júrgizedi;

6) oblystyń, qalanyń, aýdannyń (oblystyq mańyzy bar qalanyń) jergilikti atqarýshy organynyń esebine qorytyndy daıyndaý arqyly tıisti biýdjettiń atqarylýy týraly keıinnen baǵalaý júrgizedi.

 

 

3-taraý. Tekserý komıssıiasynyń tóraǵasy men músheleriniń mártebesi, ókilettikteri

 

16. Tekserý komıssıiasyn basqarýdy Tóraǵa júzege asyrady, ol Tekserý komıssıiasyna júktelgen mindetterdiń oryndalýyna jáne onyń óz ókilettikterin júzege asyrýyna derbes jaýapty bolady.

17. Máslıhat Joǵary aýdıtorlyq palatanyń usynymy boıynsha jáne Qazaqstan Respýblıkasy Prezıdenti Ákimshiligimen kelisý boıynsha Tekserý komıssıiasynyń tóraǵasyn laýazymǵa taǵaıyndaıdy jáne laýazymynan  bosatady.

18. Máslıhat Tekserý komıssıiasy tóraǵasynyń usynymy boıynsha jáne Joǵary aýdıtorlyq palatamen kelisý boıynsha Tekserý komıssıiasynyń múshelerin Qazaqstan Respýblıkasynyń memlekettik qyzmet týraly zańnamasyna sáıkes bes jyl merzimge laýazymǵa taǵaıyndaıdy jáne laýazymynan bosatady.

19. Tekserý komıssıiasy tóraǵasynyń ókilettikteri:

1) jalpy basshylyqty júzege asyrady jáne Tekserý komıssıiasyna júktelgen mindetter men fýnktsıialardyń oryndalýy úshin Qazaqstan Respýblıkasynyń zańdarynda kózdelgen jaýaptylyqta bolady;

2) Tekserý komıssıiasynyń reglamentin bekitedi;

3) Tekserý komıssıiasynyń músheleri men Tekserý komıssıiasy apparatynyń jumysyn uıymdastyrady;

4) Qazaqstan Respýblıkasynyń ózge de memlekettik organdarynda, uıymdarynda jáne odan tys jerlerde Tekserý komıssıiasynyń atynan ókildik etedi;

5) bekitilgen shtat sany jáne jergilikti biýdjette kózdelgen qarajat sheginde Tekserý komıssıiasy apparatynyń qurylymy men shtat kestesin bekitedi;

6) Qazaqstan Respýblıkasynyń zańnamasynda belgilengen tártippen Tekserý komıssıiasynyń apparat basshysyn jáne jumyskerlerin laýazymǵa taǵaıyndaıdy jáne laýazymynan bosatady;

7) memlekettik qyzmet týraly zańnamada belgilengen tártippen Tekserý komıssıiasynyń jumyskerlerin kótermeleıdi jáne olarǵa tártiptik jaza qoldanady;

8) óz quzyreti sheginde buıryqtar shyǵarady, olardyń oryndalýyn tekseredi, Tekserý komıssıiasynyń otyrystarynda qabyldanǵan qaýlylarǵa jáne nusqamalarǵa qol qoiady;

9) Tekserý komıssıiasynyń memlekettik aýdıt obektileriniń tıisti jylǵa arnalǵan tizbesin bekitedi;

10) Tekserý komıssıiasynyń múshelerine memlekettik aýdıtti jáne (nemese) ústeme, birlesken jáne qatar tekserýlerdi júrgizýge tapsyrmalar beredi;

11) Tekserý komıssıiasynyń quzyreti sheginde aýdıtorlyq is-sharalardy júrgizýge qatysatyn Tekserý komıssıiasynyń memlekettik aýdıtorlarynyń quramyn aıqyndaıdy;

12) óz qyzmeti barysynda memlekettik aýdıtorlar jáne ózge de laýazymdy adamdar jasaıtyn qujattarǵa memlekettik aýdıt jáne qarjylyq baqylaý standarttaryna sáıkestigi turǵysynan turaqty tekserýler jáne (nemese) taldaý júrgizý arqyly sapany baqylaýdy uıymdastyrýdy qamtamasyz etedi;

13) jergilikti biýdjettiń atqarylýyna jáne memleket pen kvazımemlekettik sektor sýbektileri aktıvteriniń paıdalanylýyna memlekettik aýdıt júrgizý máselelerine qatysty qujattamamen qupıialylyq rejıminiń, kommertsıialyq jáne zańmen qorǵalatyn ózge de qupıianyń saqtalýyn eskere otyryp, kedergisiz tanysady;

14) memlekettik aýdıt obektilerinen aýdıtorlyq is-sharalardy júrgizýge baılanysty máseleler boıynsha qajetti anyqtamalardy, aýyzsha jáne jazbasha túsiniktemelerdi talap etedi jáne ózi belgilegen merzimde alady;

15) máslıhatqa Joǵary aýdıtorlyq palatamen kelisý boıynsha tekserý komıssıiasy músheleriniń laýazymyna taǵaıyndaý, sondaı-aq odan bosatý úshin kandıdatýralardy usynady;

16) aýdan (oblystyq mańyzy bar qala) biýdjetiniń atqarylýy týraly jyldyq esepti tıisti ákimshilik-aýmaqtyq birliktiń máslıhatyna usyný jónindegi mindetti oblystyń Tekserý komıssıiasy músheleriniń birine júkteıdi;

17) tıisti ákimshilik-aýmaqtyq birliktiń oblys, qala jáne aýdan (oblystyq mańyzy bar qala) ákimdiginiń otyrystaryna qatysýǵa quqyly;

18) Tekserý komıssıiasy janynan konsýltatıvtik-keńesshi jáne konsýltatıvtik-saraptamalyq organdar qurady;

19) ózi bolmaǵan jaǵdaıda Tekserý komıssıiasy tóraǵasynyń mindetin qoldanystaǵy zańnamaǵa sáıkes Tekserý komıssıiasy músheleriniń birine júkteıdi;

20) Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.

20. Tekserý komıssıiasy músheleriniń ókilettikteri:

1) Tekserý komıssıiasynyń aýdıtorlyq, saraptamalyq-taldamalyq, aqparattyq jáne ózge de qyzmetin uıymdastyrady jáne júzege asyrady;

2) Qazaqstan Respýblıkasynyń zańdarynda kózdelgen jaýaptylyqta bolady, tekseriletin memlekettik aýdıt obektileriniń jumys isteýine kedergi keltirmeıdi jáne olardyń aǵymdaǵy sharýashylyq qyzmetine aralaspaıdy;

3) jergilikti biýdjetterdiń atqarylýyna, memleket pen kvazımemlekettik sektor sýbektileri aktıvteriniń paıdalanylýyna memlekettik aýdıtti josparlaý jáne júrgizý máselelerine qatysty qujattamaǵa qupıialylyq rejıminiń, kommertsıialyq jáne zańmen qorǵalatyn ózge de qupıianyń saqtalýyn eskere otyryp, kedergisiz qol jetkize alady;

4) memlekettik aýdıtti júzege asyrýǵa baılanysty máseleler boıynsha memlekettik aýdıt obektilerinen qajetti anyqtamalardy, aýyzsha jáne jazbasha túsiniktemelerdi talap etedi jáne ózderi belgilegen merzimderde alady;

5) ózderi basqaratyn (jetekshilik etetin) qyzmet baǵyttarynyń máseleleri boıynsha óz quzyreti sheginde derbes sheshim qabyldaıdy;

6) óz quzyreti sheginde memlekettik aýdıtti tıimdi uıymdastyrý úshin qajetti resýrstardyń kólemin aıqyndaı otyryp, memlekettik aýdıttiń baǵdarlamalaryn bekitedi, aýdıtorlyq qyzmetti uıymdastyrý boıynsha mindetterdiń bólinýine sáıkes nusqamalarǵa qol qoiady;

7) tıisti jylǵa arnalǵan memlekettik aýdıt obektileriniń bekitilgen tizbesine sáıkes Tekserý komıssıiasy apparatynyń jumyskerlerine memlekettik aýdıt júrgizýge tapsyrmalar beredi;

8) tıisti ákimshilik-aýmaqtyq birliktiń oblys, qala jáne aýdan (oblystyq mańyzy bar qala) ákimdiginiń otyrystaryna qatysýǵa quqyly;

9) Qazaqstan Respýblıkasynyń zańnamasynda kózdelgen ózge de ókilettikterdi júzege asyrady.

21. Tekserý komıssıiasy máslıhatqa Tekserý komıssıiasy tóraǵasynyń jáne músheleriniń ókilettik merziminiń aldaǵy aiaqtalatyn merzimi týraly kúntizbelik otyz kún buryn habarlaıdy.

22. Tekserý komıssıiasynyń tóraǵasy jáne músheleri:

1) máslıhattyń «Memlekettik aýdıt jáne qarjylyq baqylaý týraly» Qazaqstan Respýblıkasy Zańynyń (budan ári – Zań) 47-babynyń 2 jáne
3-tarmaqtaryna sáıkes laýazymnan bosatý týraly sheshim qabyldaýy;

2) ózderine qatysty sottyń aıyptaý úkiminiń zańdy kúshine enýi;

3) belgilengen tártippen áreket qabileti shekteýli nemese áreketke qabiletsiz dep tanylýy;

4) anttaryn, Qazaqstan Respýblıkasynyń zańdaryn, Qazaqstan Respýblıkasy Prezıdentiniń aktilerin jáne osy Erejeni buzýy, ózderiniń mártebesine saı kelmeıtin teris qylyq jasaýy, laýazymdyq mindetterin saqtamaýy;

5) qaıtys bolýy, sondaı-aq habarsyz ketken dep tanylýy nemese qaıtys boldy dep jarıialanýy;

6) Qazaqstan Respýblıkasy azamattyǵynyń toqtatylýy;

7) Qazaqstan Respýblıkasynyń aýmaǵynan tys jerge turaqty turýǵa ketýi;

8) basqa laýazymǵa taǵaıyndalýy;

9) Qazaqstan Respýblıkasynyń zańdarynda jáne Qazaqstan Respýblıkasy Prezıdentiniń aktilerinde kózdelgen ózge de negizder saldarynan laýazymynan merziminen buryn bosatylady.

23. Tekserý komıssıiasy tóraǵasy men múshesiniń ókilettikteri jumystan bosatý týraly ótinish berý túrinde merziminen buryn toqtatylǵan jaǵdaıda Tekserý komıssıiasynyń tóraǵasy men múshesi jumystan bosatý týraly tıisti ótinish berilgenge deıin bir aıdan keshiktirmeı máslıhatty jáne Joǵary aýdıtorlyq palatany jazbasha habardar etedi.

24. Tekserý komıssıiasynyń aýdıtorlyq is-sharany júrgizý qyzmetin, sondaı-aq aqparattyq-taldamalyq, quqyqtyq, konsýltatıvtik, uıymdastyrýshylyq jáne ózge de qyzmetin Tekserý komıssıiasynyń apparaty qamtamasyz etedi. Tekserý komıssıiasynyń apparaty memlekettik ákimshilik qyzmetshiler bolyp tabylatyn laýazymdy adamdardan turady, ony Tekserý komıssıiasynyń tóraǵasy taǵaıyndaıtyn apparat basshysy basqarady.

25. Apparat jumyskerleriniń quqyqtary, mindetteri men jaýaptylyǵy, sondaı-aq olardyń memlekettik qyzmetti ótkerý jaǵdaılary memlekettik qyzmet týraly zańnamada, eńbek zańnamasynda, memlekettik aýdıt jáne qarjylyq baqylaý týraly zańnamada jáne osy Erejede aıqyndalady.

26. Tekserý komıssıiasy apparatynyń jumyskerlerin qaıta daiarlaý jáne olardyń biliktiligin arttyrý Zańnyń 39-babyna sáıkes júzege asyrylady.

27. Tekserý komıssıiasynyń qyzmeti Tekserý komıssıiasynyń tóraǵasy bekitetin memlekettik aýdıt obektileriniń tıisti jylǵa arnalǵan tizbesine sáıkes júzege asyrylady. Qazaqstan Respýblıkasy Prezıdentiniń tapsyrmalaryn, Qazaqstan Respýblıkasy Prezıdenti Ákimshiliginiń tapsyrmalaryna negizdelgen Joǵary aýdıtorlyq palatanyń suraý salýlaryn, tıisti máslıhattardyń sheshimderin jáne Tekserý komıssıiasy tóraǵasynyń bastamasyn qospaǵanda, Tekserý komıssıiasynyń memlekettik aýdıt obektileriniń tıisti jylǵa arnalǵan tizbesine ózgerister engizýge jol berilmeıdi.

28. Tekserý komıssıiasy óziniń qyzmetin júzege asyrý kezinde memlekettik aýdıt obektisinen táýelsiz bolady. Tekserý komıssıiasynyń táýelsizdigi:

1) memlekettik organdardyń jáne ózge de uıymdardyń Tekserý komıssıiasynyń qyzmetine zańsyz aralasýyna;

2) Tekserý komıssıiasynyń memlekettik aýdıtorlary men ózge de laýazymdy adamdaryn memlekettik organdardyń suraý salýlary boıynsha memlekettik aýdıt obektileriniń tıisti jylǵa arnalǵan tizbesinde kózdelmegen tekserýlerdi júrgizýge tartýǵa jol bermeý arqyly qamtamasyz etiledi.

29. Tekserý komıssıiasynyń jergilikti biýdjet qarajatyn paıdalanýyn memlekettik baqylaý jáne qadaǵalaý máslıhattyń kelisimimen nemese onyń tapsyrmasy boıynsha júzege asyrylady.

30. Tekserý komıssıiasynyń sheshimder qabyldaýy otyrysta alqaly túrde júzege asyrylady.

31. Tekserý komıssıiasynyń otyrysynda memlekettik aýdıttiń qorytyndylary, josparlaý, ádisnama máseleleri, alqaly sheshimdi talap etetin ózge de máseleler qaralady.

32. Tekserý komıssıiasynyń sheshimderi Tekserý komıssıiasynyń otyrysqa qatysýshy quramynyń jalpy sanynyń kópshilik daýsymen qabyldanady. Daýystar teń bolǵan jaǵdaıda tóraǵalyq etýshi adam daýys bergen sheshim qabyldanǵan bolyp esepteledi.

33. Tekserý komıssıiasynyń otyrystaryn júrgizý tártibi, onyń jumysyn uıymdastyrý máseleleri Tekserý komıssıiasynyń reglamentinde aıqyndalady.

34. Tekserý komıssıiasy jyl saıyn Respýblıkalyq biýdjettiń atqarylýyn baqylaý jónindegi esep komıteti Tóraǵasynyń 2016 jylǵy                            31 naýryzdaǵy № 5-NQ normatıvtik qaýlysymen bekitilgen                                  (Normatıvtik quqyqtyq aktilerdi memlekettik tirkeý tiziliminde  № 13647                   bolyp tirkelgen) tekserý komıssıialarynyń máslıhattarǵa jergilikti     biýdjettiń atqarylýy týraly esepti usynýy boıynsha syrtqy                        memlekettik aýdıttiń jáne qarjylyq baqylaýdyń rásimdik standartynda aıqyndalǵan nysan men qurylymǵa sáıkes esepti qarjy jylyndaǵy jergilikti biýdjettiń atqarylýy týraly esepti jasaıdy jáne ony máslıhattyń qaraýyna usynady.

35. Tekserý komıssıiasy Respýblıkalyq biýdjettiń atqarylýyn                   baqylaý jónindegi esep komıteti Tóraǵasynyń 2016 jylǵy 31 naýryzdaǵy                       № 5-NQ normatıvtik qaýlysymen bekitilgen (Normatıvtik quqyqtyq                    aktilerdi memlekettik tirkeý tiziliminde  № 13647 bolyp tirkelgen) tekserý komıssıialarynyń óz jumysy týraly aqparat usynýy boıynsha                                syrtqy memlekettik aýdıttiń jáne qarjylyq baqylaýdyń rásimdik standartynda aıqyndalatyn nysan men qurylymǵa sáıkes esepti kezeńdegi óz jumysy týraly aqparatty Joǵary aýdıtorlyq palataǵa toqsan saıyn usynyp otyrady.

 

 

4-taraý. Tekserý komıssıiasynyń múlki

 

36. Tekserý komıssıiasynyń Qazaqstan Respýblıkasynyń zańnamasynda kózdelgen jaǵdaılarda jedel basqarý quqyǵynda oqshaýlanǵan múlki bolýy múmkin.

37. Tekserý komıssıiasynyń múlki oǵan menshik ıesi bergen múliktiń, sondaı-aq óz qyzmeti nátıjesinde satyp alynǵan múliktiń (aqshalaı kiristerdi qosa alǵanda) jáne Qazaqstan Respýblıkasynyń zańnamasynda tyıym salynbaǵan ózge de kózderdiń esebinen qalyptasady.

38. Tekserý komıssıiasyna bekitip berilgen múlik kommýnaldyq menshikke jatady.

39. Eger zańnamada ózgeshe kózdelmese, Tekserý komıssıiasynyń ózine bekitip berilgen múlikti jáne qarjylandyrý jospary boıynsha ózine berilgen qarajat esebinen satyp alynǵan múlikti óz betinshe ıeliginen shyǵarýǵa nemese oǵan ózgeshe tásilmen bılik etýge quqyǵy joq.

40. Tekserý komıssıiasynyń tóraǵasyn, múshelerin jáne apparat jumyskerlerin materıaldyq-tehnıkalyq jáne medıtsınalyq qamtamasyz etý, sondaı-aq olarǵa kólik qyzmetterin kórsetý Qazaqstan Respýblıkasynyń zańnamasyna sáıkes júzege asyrylady.

 

 

5-taraý. Tekserý komıssıiasyn qaıta uıymdastyrý jáne taratý

 

41. Tekserý komıssıiasyn qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.