QAZAQSTANDA ALǴAShQY RESPÝBLIKALYQ «KITAP OQITYN ULT» KITAP OQÝ MARAFONYNA TIRKELÝ BASTALDY

Qazaqstanda alǵashqy respýblıkalyq «Kitap oqıtyn ult» kitap oqý marafonyna tirkelý bastaldy. Joba elimizdiń barlyq óńirinen qatysýshylardy biriktirip, kitap oqýdy nasıhattaý men oqý mádenıetin damytýǵa baǵyttalǵan eń aýqymdy ulttyq bastamalardyń birine aınalmaq.

Marafon 2026 jylǵy qyrkúıek aıynan 2027 jylǵy sáýirge deıin qazaq jáne orys tilderindegi eki lıgada ótedi. Joba 7 baǵytty qamtıdy:

- «Kitap oqıtyn mektep» — 6–10 synyp oqýshylary;

- «Kitap oqıtyn kolledj» — kolledj stýdentteri;

- «Kitap oqıtyn ýnıversıtet» — joǵary oqý oryndarynyń stýdentteri;

- «Kitap oqıtyn pedagog» — mektep muǵalimderi men kolledj oqytýshylary;

- «Kitap oqıtyn áýlet» — otbasylyq komandalar;

- «Kitap oqıtyn memlekettik qyzmetshi» — memlekettik qyzmetshiler;

- «Kitap oqıtyn zıiatker» — jasyna jáne qyzmet salasyna shekteý qoıylmaıtyn barlyq azamattar.

Ár qatysýshy óz baǵyty boıynsha arnaıy iriktelgen 330 kitaptan turatyn qordan 15 kitap oqýy qajet. Onyń 165-i qazaq tilinde, 165-i orys tilinde usynylǵan. Kitaptar tizimine otandyq avtorlardyń shyǵarmalary, álem klassıkasy jáne zamanaýı týyndylar endi. Tizimdi jasaqtaý kezinde jalpyulttyq daýys berý qorytyndysy boıynsha «100 kitap» tizimine engen shyǵarmalar, sondaı-aq ádebıet salasyndaǵy Nobel syılyǵynyń laýreattary jazǵan týyndylardy qosa alǵanda, álemdik bestsellerler de eskerildi.

Negizgi oqý kezeńi bıyl qyrkúıek aıynda bastalyp, 2027 jylǵy naýryzǵa deıin jalǵasady. Osy ýaqytta qatysýshylar kitaptardy oqyp, jeke kabınetinde pikirlerin jarıialap otyrady. Al 2027 jylǵy naýryz–sáýir aılarynda qorytyndy testileý men zıiatkerlik kvızder ótkiziledi.

Óńirlik kezeńderdiń jeńimpazdary men júldegerlerine aqshalaı syılyqtar tabystalady: 1-oryn — 600 000 teńge; 2-oryn — 450 000 teńge; 3-oryn — 300 000 teńge.

Barlyq fınalıst dıplomdarmen jáne elektrondy sertıfıkattarmen marapattalady.

«Kitap oqıtyn ult – Chıtaiýschaia natsıia» qoǵamdyq qorynyń tóraǵasy Baqytjan Turlybekovtiń aıtýynsha, jobanyń negizgi maqsaty baıqaýdyń ózimen ǵana shektelmeıdi.

«Búgin biz «Kitap oqıtyn ult» alǵashqy respýblıkalyq marafonyna tirkelýdi ashyp, osylaısha jasy, mamandyǵy men qyzyǵýshylyǵy ártúrli adamdardy kitap tóńiregine biriktiretin úlken jalpyulttyq qozǵalysqa jol ashyp otyrmyz.

Barshańyzdy marafonǵa qatysýǵa shaqyramyn. Birlese otyryp, kitap oqýdy Qazaqstandaǵy zamanaýı ómirdiń mańyzdy quramdas bóligine aınaldyra alamyz dep senemin. Sondaı-aq zerdeli ulttyń — qýatty, bilimdi ári oılaıtyn ult ekenin kórsete alamyz», — dedi Baqytjan Turlybekov.

Qatysý erejeleri, baǵyttar boıynsha reglamentter jáne kitaptar tizimi jobanyń resmı saıtynda jarıialanǵan: www.reading-nation.kz

Respýblıkalyq «Kitap oqıtyn ult» marafonyn júzege asyrýǵa jobanyń birqatar mańyzdy seriktesteri de atsalysýda. Qazaqstan Jazýshylar odaǵy, Kreatıvti ındýstrıialardy damytý qory, KITAP jáne «Iandeks Kitaptar» tsıfrlyq platformalary oqý mádenıetin damytýǵa, zamanaýı ádebı bastamalardy qoldaýǵa jáne oqyrmandardyń kitappen ózara baılanysýyna jańa múmkindikter jasaýǵa yqpal etpek.

Joba Qazaqstan Respýblıkasy Mádenıet jáne aqparat mınıstrliginiń qoldaýymen júzege asyrylýda.